Gjakova

Gjakova
Gjakova
	Owesvue op Gjakova
Land	Kosovo
Vewaltungseenheet	Distrikt Gjakova
Awunner	94.556 (Gemeng)
	2011
Fläch	385
Héicht	508
Koordinaten	42° 23’ 00’’ N; 20° 26’ 00’’ O
Postcode	50000
Websäit	/

Gjakova oder Gjakovë op Albanesch an Đakovica oder Ђаковица op Serbesch ass eng Stad a Gemeng am Weste vum Kosovo.

Bevëlkerung

Der Vollekszielung vun 2011 no sinn d'grouss Majoritéit vun der Bevëlkerung ethnesch Albaner (93%), virun de kosovareschen Egypter an de Roma.^[1]

**Ethnesch Kompositioun (2011)**^[1]
Awunner	Zuel	Prozent
Albaner	87.672	92,72%
Egypter	5.117	5,41%
Roma	738	0,78%
Ashkali	613	0,65%
Bosnier	73	0,08%
Serben	17	0,02%
Tierken	16	0,02%
Gorani	13	0,01
Anerer	92	0,10%
Net spezifiéiert	205	0,22%

Infrastruktur an Zerwisser

D'Infrastruktur an der Gemeng gëllt als gutt. Wärend dem Krich 1999 sinn haaptsächlech Gebaier am Zentrum vun der Alstad zerstéiert ginn, dem sougenannten Ale Basar. Zënterhinn ass deen awer mat internationale Fongen erëm opgebaut ginn. An der ganzer Gemeng goufen et 2011 42 Primärschoule fir iwwer 14.400 Schüler a 7 Lycéeë fir iwwer 4.700 Schüler.^[1] Zënter 2013 gëtt et eng ëffentlech Universitéit, d'Universiteti i Gjakovës "Fehmi Agani".

Donieft gëtt et 33 Moscheeën an der Stad an an den Dierfer, vun deenen déi meescht nom Krich restauréiert goufen, an zwou kathoulesch Kierchen. Eng serbesch-orthodox Kierch ass 1999 schwéier beschiedegt a spéider ofgerappt ginn. Eng aner serbesch-orthodox Kierch ass wärend den Onrouen am Mäerz 2004 beschiedegt ginn a spéider am Zentrum vun der Stad nei opgebaut ginn. Si huet 2011 hir Dieren opgemaach.^[1]

Zu Gjakova gëtt et e Geriicht mat 14 Riichter. Am September 2015 gouf et 218 Polizisten an der Gemeng.^[1]