Gare Tréier

D'Gare Tréier ((de) Trier Hauptbahnhof) ass eng Gare um Territoire vun der Stad Tréier.

Gare Tréier

D'Gare zu Tréier vu vir gesinn (2024 )
Status	am Gebrauch
opgaang	1878
Lag vun der Statioun
Land	Däitschland
Gemeng	Tréier
Koordinaten	49°45'24,8"N, 6°39'6,8"O
Reseau
Reseau	TER Grand Est
Gleiser mat Quai	5
Websäit	https://www.bahnhof.de/bahnhof-de/Trier_Hbf

D'Gare zu Tréier (2006)

Si ass 1878 opgaangen a louch un der deemools sougenannter Kanonenbahn, déi vu Berlin iwwer Tréier a Perl op Metz goung.

Si läit op den DB-Verbindungen Köln-Tréier, Koblenz-Tréier, Saarbrécken-Tréier, Perl-Tréier a Lëtzebuerg-Tréier via d'Streck Tréier-Diddenuewen an d'Tréierer Weststreck.

Infrastruktur

2005 gouf d'Gare vu Grond op moderniséiert fir dem Standard vun ICE Garen z'entspriechen.

• D'Quaie goufe mat Placken ekipéiert, déi blanne Leit hëllefe sech z'orientéieren a verhënnere sollen, datt se op d'Schinne falen.
• Am Gebai selwer gouf e Restaurationsbetrib installéiert an den Zeitungsbuttek gouf vergréissert.
• Et goufen nei Liften installéiert, déi direkt um Quai erauskommen.
• An de leschte Joren ass och un enger Opwäertung vum Quartier ëm d'Gare geschafft ginn.

• 
  D'Entréeshal vun der Gare (Vir: Den Info Point)
• 
  En Zuch um Quai 12/13.
• 
  D'Guicheten.

Zich, déi an der Gare halen

Aus Richtung	Halt virdrun	Tréier			Nächst Halt	A Richtung
Lëtzebuerg	Waasserbëlleg		Regionalexpress		Wittlich	Koblenz
Koblenz	Wittlich		Mosel-Saar-Express		Saarlouis	Saarbrécken
Terminus	Terminus		Mosel-Pfalz-Express		Saarlouis	Mannheim
Terminus	Terminus		Saartal-Express		Merzig	Saarbrécken
Köln	Bitburg		Eifel-Mosel-Express		Terminus	Terminus
Terminus	Terminus		Saartal-Bahn		Konz	Homburg
Terminus	Terminus		Moseltal-Bahn		Cochem	Koblenz
Wittlich	Wittlich		Elbling-Express		Konz	Perl
Gerolstein	Bitburg		Eifel-Bahn		Terminus	Terminus