GN-z11

GN-z11 ass eng Galaxie am Stärebild Ursa Major.

GN-z11 an der Vergréisserung

Si ass 13,4 Milliarde Joer al a ronn zirka 25-mol méi kleng wéi eis Mëllechstrooss. D'Galaxie GN-z11 huet sech 400 Millioune Joer nom Urknall gebilt, an huet eng spektroskopesch Routverrécklung vun z = 11,1. D'Stärenzuel vum GN-z11 ass nëmme ronn 1 % vun der Mëllechstrooss, d'Stäreproduktioun an de Wuesstem ass awer 20-mol méi grouss.

Zanter dem 3. Mäerz 2016 gëllt GN-z11 als déi eelst bekannt Galaxie an et ass fir den Ament (2016) dee bekannten Objet am Universum deen am wäitste vun ons ewech ass. Den GN-z11 gouf 2014 vun den US-Astronome Pascal Oesch, Gabriel Brammer a Garth Illingworth entdeckt, déi d'Date vum Hubble-Weltraumteleskop (Cosmic Assembly Near-infrared Deep Extragalactic Legacy Survey (CANDELS) a Great Observatories Origins Deep Survey (GOODS) North Surveys) ausgewäert hunn.

Kuckt och

Portal Astronomie

Um Spaweck

Commons: GN-z11 – Biller, Videoen oder Audiodateien

• (en) ESA: Hubble Telescope - Hubble breaks cosmic distance record (3. Mäerz 2016)
• (en) Hubble ESA - Zoom on GN-z11 (YouTube-Video, 2. Mäerz 2016)