Haaptmenü opmaachen

Fonds national de la recherche

De Logo vum FNR
Den ale Logo vum FNR

De Fonds national de la recherche, ofgekierzt FNR, ass en Etablissement public zu Lëtzebuerg, dat per Gesetz[1] vum 31. Mee 1999 gegrënnt gouf.

Den Nationale Fuerschungsfong huet folgend Missiounen:

  • de Fuerscher zur Säit stoe fir d'wëssenschaftlech Qualitéit a wichtege sozio-ekonomesche Beräicher ze verbesseren;
  • nohalteg zur Entwécklung vun der ëffentlecher Fuerschung zu Lëtzebuerg bäizedroen, besonnesch um Niveau vum Fuerschungspersonal, fir den Impakt vun de ëffentleche Fuerschungsinstitutiounen a vun hiren Aktivitéiten ze verbesseren;
  • d'Promotioun vun enger Wëssenschaftskultur, besonnesch bei deene Jonke vu 6 bis 19 Joer. Dofir ass 2007 op Initiativ vum FNR de Groupement ProScience gegrënnt ginn.

Dës Missioune ginn duerch dës Instrumenter implementéiert:

  • prioritär Aktiounen;
  • pluriannuell Fuerschungsprogrammer;
  • Begleetmesuren;
  • Promotioun vun der Wëssenschaftskultur;
  • Hëllefen bei der Aus- a Weiderbildung vu jonke Fuerscher.

Mister Science
Den FNR huet am Joer 2009 e Personnage an d'Liewe geruff, fir d'Wëssenschaften an d'Lëtzebuerger Fuerschung an de Medie méi populär ze maachen. De Mister Science huet reegelméisseg Optrëtter um Radio an op RTL Télé Lëtzebuerg.

Um SpaweckÄnneren

ReferenzenÄnneren

  1. Loi du 31 mai 1999 portant création d'un fonds national de la recherche dans le secteur public. Mémorial A n° 88: 1825-1828, 06.07.1999