Fondation Pescatore

D'Fondation Jean-Pierre Pescatore ass eng Stëftung, déi d'Altersheem mam selwechten Numm geréiert.

Se gouf 1853 vum Jean-Pierre Pescatore gestëft, deen der Stad Lëtzebuerg eng hallef Millioun Frang vermaach hat, fir domat en Altersheem ze bauen.

D'Gebai gouf op der Plaz vun der fréier Redoute Marie vun der Festung Lëtzebuerg, um Bord vum nei ugeluechte Stater Park gebaut. Den Architekt war den Tony Dutreux (e Groussneveu vum Pescatore). D'Bauaarbechte goufen tëscht 1886 an 1892 vum Pierre Kemp a Pierre Funck ausgeféiert. Et war dat éischt Gebai zu Lëtzebuerg bei deem arméierte Bëtong gebraucht gouf. Et gouf 1892 ageweit.

Zanterhier goufen e puermol Fligele bäigebaut, an d'Gebai gouf periodesch moderniséiert.

Kuriéises

Et besteet en Zougang (dee gespaart ass) zu de Kasematte vun der Redoute Marie. Am Zweete Weltkrich goufen déi als Luftschutzbunker benotzt.

Biller

D'Fondation Pescatore, 1905.
Wope vum Pescatore op der säitlecher Entréespaart.
An de Kasematten ënnert der Fondatioun.

Um Spaweck

Websäit vun der Fondation J-P Pescatore (fr)

Commons: Fondation Pescatore – Biller, Videoen oder Audiodateien

Fondation Pescatore

Land	Lëtzebuerg