Fly-over-Bréck zu Bartreng

D'Fly-over-Bréck zu Bartreng ass eng Schréiseelbréck zu Bartreng op der Grenz mat Mamer, déi d'N6 (Areler Strooss) boufërmeg mat dem Rond-point bei der Europaschoul II zu Mamer verbënnt. D'Bréck ass den 2. September 2013 fir de Verkéier opgaangen.

Fly-over-Bréck aus südlecher Richtung gekuckt

Duerch dës Bréck soll de Rond-point Tossebierg am Agank vu Mamer entlaascht an den Zougang fir bei d'Schoul verbessert ginn. D'Bréck ka vun Autoen nëmme vu Bartreng a Richtung Schoul befuer ginn, huet awer och eng Vëlosspuer.

Déi boufërmeg Konstruktioun huet e Radius vun 102,25 Meter. D'Bréck huet eng total Längt vun 132 Meter.

• 

  Fly-over-Bréck vun der N6 aus gekuckt a Richtung Bartreng

• 

  Fly-over-Bréck vun der N6 aus gekuckt a Richtung Mamer

Um Spaweck

Commons: Fly-over-Bréck zu Bartreng – Biller, Videoen oder Audiodateien