Executive Orders

D'Buch Executive Orders vum Tom Clancy (op Däitsch: Befehl von oben) ass e Polit-Thriller den am Joer 1996 erauskomm ass.

Et ass deen achten Roman, nom Debt of Honor, aus der Serie iwwer de fiktiven Held Jack Ryan, chronologesch gesinn ass et awer den néngten aus der Serie.

Beschreiwung

D'USA si vun enger politescher Katastroph betraff. Eng japanesch Boeing 747 huet de Kapitol zu Washington zerstéiert. Jiddwereen den an der amerikanescher Politik ganz uewe stoung, ass doud: de President an d'First Lady, all d'Membere vum ieweschte Geriichtshaff a bal all d'Senatoren an d'Deputéiert.

Den Jack Ryan, dee viru Kuerzem zum Vice president ernannt gouf, steet virun enger politescher prekärer Situatioun. Säi Virgänger gëtt vun de Medien, wéinst engem Sexskandal, staark ugegraff. D'Aussepolitik ass am Moment brisant: China an Taiwan sti sech mat militäreschen Ugrëff géintiwwer, den Iran wëll un d'Weltmuecht, déi iranesch Arméi greift Saudi-Arabien un an den Ayatollah Daryaei wëll déi gréisst amerikanesch Stied vernichten an d'Bevëlkerung mat engem Ebolavirus infizéieren.

Ausgaben

• Däitsch Ausgab, 1997: Befehl von oben, ISBN 3453136578