Eisebunnsstreck Ettelbréck-Biissen

D'Eisebunnsstreck Ettelbréck-Biissen ass eng Eisebunnsstreck fir Gidderverkéier zu Lëtzebuerg. Se féiert vun Ettelbréck op Biissen.

Eisebunnsstreck Ettelbréck-Biissen

D'Linn 2b (däischter) op der fréierer Linn 2
Linnennummer	2b
Besëtzer	Lëtzebuerg
Bedreiwer	CFL
vu(n)	Gare Ettelbréck
op	Gare Biissen
iwwer	Gare Schieren, Gare Colmar-Usines
opgaangen	17. Abrëll 1880
Technesch Donnéeën
Längt	8,7 km
Gréisst Steigung	11 ‰
Klengste Radius	200 m
Spuerbreet	Normalspuer
Vitesslimitatioun	40 km/h

D'Trass fir d'Eisebunnsstreck Ettelbréck-Biissen gëtt vun der Administration des chemins de fer verdeelt. D'CFL bedreift a geréiert d'Infrastruktur vun der Streck, déi am Besëtz vum Lëtzebuerger Staat ass.

Linn

D'Eisebunnsstreck Ettelbréck-Biissen gëtt als Linn 2b bezeechent. D'Streck vun 8,7 km ass dat lescht Stéck dat vun der fréierer Atertlinn bestoe blouf.

Geschicht

Op der Atertlinn, déi de 17. Abrëll 1880 opgaangen ass, ass den 23. September 1967 de leschte Persounenzuch gefuer an d'Streck ass vun 1969 un zum gréissten Deel suppriméiert ginn. Zu Colmer waren d'Gleiser wéinst dem Uschloss un d'Goodyear-Wierker leie gelooss ginn, an 1974 krut d'Trefilerie vu Biissen och e Gleisuschloss iwwer déi fréier Streck. De 27. Juni 1974 huet den éischte Gidderzuch d'Wierk verlooss.

Kuckt och

• Geschicht vun der Eisebunn zu Lëtzebuerg

Um Spaweck

• Donnéeën iwwer d'Streck: Réseau Ferré Luxembourgeois - Document de Référence du Réseau 2024, Version 2.0.