D'Gare vu Biissen ass eng fréier Gare op der Atertlinn zu Biissen.

Gare Biissen
Streck 2b
PK 44,339
Quaien
Gleiser 1
Uertschaft Biissen
Gemeng Biissen
Kanton Miersch
Koordinaten 49° 47’ 18.6’’ N
      6° 04’ 09.7’’ O

D'Gebai änneren

D'Pläng vum Gebai si vum 16. August 1878. Et gouf de 17. Abrëll 1880 feierlech ageweit. D'Gebai ass identesch mat deem vun der Gare Useldeng.[1]

Am Rez-de-chaussée war eng Salle d'attente, de Büro vum Chef de gare an eng Consigne. Uewenop hat de Chef de gare seng Wunneng. 1905 an 1913 gouf all Kéier ugebaut. 1924 koum eng Lagerhal bäi. De 24. September 1967 ass de leschte Persounenzuch op der Streck gefuer. Duerno gouf d'Gebai verpacht, 1979 verkaaft an an e Wunnhaus ëmgebaut[1].

Den 2. Dezember 2011 gouf d'Gare op d'Lëscht vun de klasséierte Monumenter als Nationaalt Monument agedroen[2], dat mat der Begrënnung, se hätt en "historeschen, industriellen, architektoneschen an ästheetesche Wäert", an och well s'eng vun de wéinege Garen op der Atert-Linn wier, déi nach haut mam Zuch ugefuer kéint ginn[1].

2016 huet d'Gemeng d'Gebai fir 350.000 Euro kaaft. Nodeems et fir am ganze knapps 5,7 Milliounen Euro renovéiert gouf an en Ubau aus Glas an Holz bäikoum, gëtt dat Ganzt zanter Juni 2022 vun de Museksveräiner aus der Gemeng fir hir Prouwe benotzt.[3]

Kuckt och änneren

Um Spaweck änneren

Commons: Gare Biissen – Biller, Videoen oder Audiodateien

Referenzen an Notten änneren

  1. 1,0 1,1 1,2 "D'Biisser Gare steet ënnert Denkmalschutz." in: De Klautjen - Gemengeblat Biissen, Nr.15, 2010, S.32.
  2. Institut national pour le patrimoine architectural: Liste des immeubles et objets bénéficiant d'une protection nationale. (Lescht Versioun vum 11. Januar 2024).
  3. "Wie der alte Bahnhof in Bissen zum Musikhaus wurde". wort.lu [w+], 01.06.2022.