Edmond Cigrang
Den Edmond Cigrang, gebuer de 7. Juli 1922 zu Dikrech, a gestuerwen den 29. September 1989 zu Aix-en-Provence[1], war e lëtzebuergesche Komponist a Musekspedagog.
| Edmond Cigrang | |
|---|---|
| Gebuer |
7. Juli 1922 Dikrech |
| Gestuerwen |
29. September 1989 Aix-en-Provence |
| Nationalitéit | Lëtzebuerg |
| Aktivitéit | Komponist |
 | |
Hien ass an d'Normalschoul fir Léierpersonal gaangen a wärend dem Zweete Weltkrich ugefaangen, als Schoulmeeschter ze schaffen. Nom Krich huet hien zu Zürich, Köln a Paräis Musek studéiert.
Op hie geet eng Reform vum Museksunterecht an de Primärschoulen zeréck. Hien huet vun 1953 um Institut pédagogique (ISERP) Musekspedagogen enseignéiert, a war Professer um Conservatoire vun der Stad Lëtzebuerg fir Musekanalys a -geschicht.[2]
Den Edmond Cigrand huet virun allem Kammermusek komponéiert. Vun him sinn och eng Rëtsch Lied-Kompositiounen, dorënner Sieben japanischen Lieder oder där op Gedichter vum Paul Henkes, Anise Koltz a Christian Morgenstern.[2]
An den 1960er Joren huet hien och Musek fir méi grouss Orchester komponéiert, an och fir en Dokumentarfilm iwwer de Joseph Kutter.[2]
Kuckt och
ännerenReferenzen
änneren- ↑ Luxemburger Lexikon, Lëtzebuerg: Éditions Guy Binsfeld, 2006
- ↑ 2,0 2,1 2,2 Ons Stad Nr 32 (1989), S.5. Archivéiert de(n) 04.03.2016. Gekuckt de(n) 08.01.2010.