Der Landwirth

Dëse Journalismusartikel ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.

Der Landwirth, vum Juli 1905 un Der Landwirt, war eng Lëtzebuerger Zeitung mat liberaler Ausriichtung, déi vum 3. Januar 1877 bis de 15. Mäerz 1941 ufanks zwee Mol, da véier Mol d'Woch erauskom ass. Den Ënnertitel gouf e puer mol geännert: Vun Organ des königlichen Ackerbauvereins des Großherzogthums zugleich Zeitung für die notariellen Anzeigen des Arrondissements Diekirch, iwwer Organ des großherzoglichen Ackerbauvereins; Zeitung für Land-, Volks-, Wald- und Hauswirtschaft u. s. w. zu Informationsblatt für den Norden des Luxemburger Landes.

Der Landwirth

Typ	Zeitung
Sprooch	Däitsch
Éischt Ausgab	3. Januar 1877
Lescht Ausgab	15. Mäerz 1941
Land	Lëtzebuerg
Dréckerei	Dréckerei Schroell
Format	Berliner Format

Beim Landwirth gouf et vun 1889 bis 1907 eng Bäilag ënnert dem Numm Illustrirtes Unterhaltungs-Blatt.

D'Zeitung gouf zu Dikrech vun der Dréckerei Schroell publizéiert.

Geschicht

De Landwirth ass den Nofollger vu follgenden Zeitungen, déi no an no duerch d'Zensur vun der Kierch verschwonne sinn:

• Der Wächter an der Sauer
• Der Volksfreund
• Bulletin des königlichen Ackerbauvereins des Grossherzogthums

Tëscht 1913 an 1920 gouf et zwou Parallel-Editiounen, eng fir Ettelbréck an eng fir Dikrech.

Den 2. Juli 1926 ass d'National Zeitung vum deemolege Staatsminister Pierre Prüm mat dem "Landwirt" fusionéiert an huet deem seng Nummeéierung iwwerholl.

Literatur

• Hilgert, Romain, 2004. Les journaux au Luxembourg 1704-2004, Service information et presse, Luxembourg. (Als Pdf an 2 Sprooche fir erofzelueden) (fr)(de)

Kuckt och

• Paul Schroell
• Lëscht vun Zeitungen an Zäitschrëften zu Lëtzebuerg

Um Spaweck

• Der Landwirth - All Nummeren ze liesen op eluxemburgensia.lu
• Fiche op a-z.lu.