D'Cojellico's Jangen

D'Cojellico's Jangen (kuerz: d'Jangen) ass e Lëtzebuerger Gesanksquintett mat Pianosbegleedung. Mat Frack a Brillantine sangen an arrangéieren d'Jange Lëtzebuerger 'Schlager' am Stil vun de Comedian Harmonists.

d'Cojellico's Jangen am Escher Theater (2015).

Nieft bekannte Lidder wéi Dem Wirsch seng Wueden oder D'Lidd vum Kachkéis leeën d'Jange Wäert drop, hirem Publikum och manner bekannt Lëtzebuerger Lidder aus den 1920er an 1930er Jore virzestellen.

Den Ensembel ass am Mäerz 2011 zu Gréiwemaacher am Stuedtheater entstanen. En ass genannt nom Lidd Cojellico's Jang vum Auteur vu Revue-Stécker Thériente (1902-1945).

Jangen

• 1.Tenor: Raymond Majerus
• 2.Tenor: Arend Herold
• 3.Tenor/Arrgt.: Georges Urwald
• 1.Bass: Carlo Migy
• 2.Bass/Arrgt.: Jean-Marie Kieffer
• Piano: Christophe Nanquette
• Gaascht: Yvon Streff 'Rhäifränsch-Yvon'

Um Spaweck

• Websäit vun de Jangen

Opnamen

• CD "d'Cojellico's Jangen - Am Inoui" (2012)
• 2CD "Vill Harmonie" (2016) (Duebel-CD mam Serge Tonnar, Legotrip (2), D'Cojellico's Jangen, Orchestre de Chambre du Luxembourg)
• CD "Dammenalphabet - Vun Amelie bis Wirsch" (2017)
• CD "Gloria" (2018) (Chrëscht-Musek)
• CD "Dat elei an dat elo - 200 Joer Dicks" (2023)