Costa Concordia

Dësen Artikel ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.

D'Costa Concordia ass dat fréiert Flaggschëff vun der italieenescher Reederei Costa Crociere. Et ass dat éischt vun dräi Schëffer, déi d'Reederei Costa Crocieri vu Genua, bei der Werft Fincantieri baue gelooss huet. Et war bei senger Ausliwwerung dat weltwäit sechstgréisst Croisièresschëff.

Costa Concordia
Technesch Donnéeën (Iwwerbléck)
Schëffstyp:	Passagéierschëff
Asaz:	Croisièren
Tonnage:	112000 BRT
Maschinnen:	Dieselmotoren
Längt (i.W.):	290 m
Breet (i.W.):	36 m
Déifgang:	8m
Reesvitesse:	24 Kniet
Passagéierkapazitéit:	3788
Equipage:	1100
Baujoer:	2006
Bauwerft:	Fincantieri
Pavillon:	Italien
Decker:	17

D'Schëff, nodeems et op Grond gelaf war.

De faarwege Bannendesign orientéiert sech no de Länner vun Europa, no deenen och d'Decker genannt goufen. Den amerikaneschen Designer Joe Farcus huet wéi bei allen neie Costaschëffer, zanter der Costa Atlantica, wéi och bei de meeschte Carnivalschëffer, d'Bannenariichtung entworf.

De 15. Juli 2006 huet dat neit, a mat 112.000 BRT, gréisst Schëff vun der Costa-Flott, déi éischt Croisière gemaach.

D'Costa Concordia ass den 13. Januar 2012 owes géint 22:00 Auer virun der italieenescher Insel Giglio op Grond gelaf. Duerch massive Waasserabroch huet d'Schëff sech op d'Säit geluecht an d'Passagéier hu missen evakuéiert ginn. U Bord waren dee Moment zirka 4230 Mënschen, dovun ongeféier 1000 Membere vun der Besatzung. Et gouf 32 Doudesaffer. Als Ursaach fir d'Accident gi Feeler vum Kapitän ugesinn.

De 16. September 2013 ass d'Wrack nees opgeriicht ginn a gouf am Juli/August 2014 an den Hafe vu Genua gezu fir do verschrott ze ginn.

Baugläich Schwësterschëffer

• Costa Serena
• Carnival Liberty
• Carnival Glory
• Carnival Valor
• Carnival Conquest
• Carnival Freedom

Aner Schëffer vun der Flott

• Costa Atlantica
• Costa Classica
• Costa Victoria
• Costa Europa
• Costa Marina
• Costa Romantica
• Costa Mediterranea
• Costa Fortuna
• Costa Magica
• Costa Allegra

Kuckt och

• Lëscht vu Croisièreschëffer
• Lëscht vu Reedereie mat Croisièreschëffer

Um Spaweck

Commons: Costa Concordia – Biller, Videoen oder Audiodateien

• Offiziell Websäit vun der Reederei Costa Crocieri
• Bewäertung vu Croisièresschëffer
• Drama auf der „Costa Concordia“ – Alle Artikel und Hintergründe. (Spiegel Online)
• Die Kreuzfahrtstrecke des Schiffs. (Mittelbayerische Zeitung)
• Rekonstruktion des letzten Abschnitts der Unglücksfahrt. In: amazonaws.com. Quality Positioning Services BV (QPS)Bemierkung: Nëmmen déi mat Auerzäite versinne Positioune si geséchert AIS-Daten.
• GiglioNews Webcam – Livebiller vum verongléckte Schëff, Vue aus westlecher Richtung
• Dokumentarfilm: Kreuzfahrt in die Katastrophe – Reportage vum ZDF
• Dokumentarfilm: Costa Concordia – Chronologie einer Katastrophe – Britteschen Dokumentarfilm