Choeur Robert-Schuman

Choeur Robert-Schuman a.s.b.l. ass e Veräi mat Sëtz an der Stad Lëtzebuerg, deen am Joer 2010 gegrënnt gouf, fir als Träger vum Robert-Schuman-Chouer ze fungéieren.

Objete vum Veräin

• d'Zesummenaarbecht tëscht de Membersorganisatioune fërderen;
• dem Robert-Schuman-Chouer bei der Ëmsetzung vu senge Projete zur Säit stoen;
• d'Opstelle vu Partenariater mat wichtege Kultur- a Museksträger aus der Groussregioun am Geescht vun der europäescher Konstruktioun.

Organisatioun vum Veräin

Nieft dem Verwaltungsrot gëtt et nach zwéi Comitéen:

• de kënschtleresche Rot (Comité artistique), deen den artistesche Projet vum Chouer definéiert an dem Verwaltungsrot proposéiert, d'musikalesch Programmer opstellt, d'Jugendlecher rekrutéiert an de chargé de mission proposéiert, deen d'Projete soll administrativ a finanziell begleden;
• de Rot vun de Jugendlechen (Comité des jeunes), deen ë. a. Projetspropositioune ka maachen a wärend de Projete bestëmmt Funktiounen iwwerhuele kann.

Presidente vum Veräin

• 2010-2012: Marco Battistella
• zanter 2013: Jean Wagner