Autorité luxembourgeoise indépendante de l'audiovisuel
D'Autorité luxembourgeoise indépendante de l'audiovisuel (ALIA) ass e lëtzebuergescht ëffentlecht Etablissement dat mam Gesetz vum 27. August 2013[1] an d'Liewe geruff gouf. Et ass den Nationalen onofhängege Medieregulater dee vun enger EU-Direktiv gefuerdert gëtt.
| Autorité luxembourgeoise indépendante de l'audiovisuel | |
|---|---|
| Typ | Établissement public (Lëtzebuerg) |
| Grënnungsdatum | 27. August 2013 |
| Sëtz | Lëtzebuerg |
| President | Thierry Hoscheit |
| Direkter | Paul Henri Lorenz |
| () | |
| () | |
| Branche | Audiovisuel |
| RCS | J51 |
| Homepage | https://www.alia.lu/ |
 | |
D'ALIA ersetzt déi fréier Commission nationale des programmes a Commission indépendante de la radiodiffusion an huet deenen hir Kompetenzen iwwerholl.
Aufgaben
ännerenDer ALIA hir Haaptaufgab ass et sécherzestellen, datt déi audiovisuell Medien, déi ënner d'Lëtzebuerger Kompetenz falen, iwwerwaacht a kontrolléiert ginn, an esou sécherzestellen, datt se d'Gesetzer, d'Reglementer an d'Cahier-de-chargen anhalen. D'ALIA iwwerwaacht deemno de Contenu vun den Televisiouns- a Radiossendungen, deenen hir Publicitéitsaktivitéiten a bewäert d'Alterslimitte vun de Kinosfilmer. Si ass och verantwortlech fir d'Iwwerwaache vum Walkampf, se muss de Public iwwer politesch Meenungsëmfroen informéieren an huet Kompetenzen am Kader vum „Whistleblowergesetz“ an an der Mediebildung.
Gouvernance
ännerenVerwaltungsrot an Direkter
ännerenDe Verwaltungsrot vun der ALIA besteet aus fënnef Memberen.
| Period | President | Memberen | Direkter |
|---|---|---|---|
| 2013-2019 | Thierry Hoscheit | Jeannot Clement, Valérie Dupong,
Luc Weitzel, Claude Wolf[2] |
Romain A. Kohn |
| 2019-2024 | Thierry Hoscheit | Valérie Dupong, Marc Glesener,
Claude Wolf, Luc Weitzel[3] |
Paul Henri Lorenz[4] |
| 2024-2029 | Thierry Hoscheit[5] | Valérie Dupong, Marc Glesener,
Claude Wolf, Luc Weitzel[6] |
|
Wann eng Plainte bei der ALIA agereecht gëtt, ass et um Verwaltungsrot fir ze kucken, ob se zougelooss gëtt oder net. De Verwaltungsrot decidéiert ob eng Enquête an d'Weeër geleet gëtt, en enregistréiert d'Verstéiss géint d'Mediegesetz an d'Reglementer grad ewéi déi géint kontraktuell Verflichtungen.
Wann d'ALIA e Verstouss vun engem Tëlees- oder Radiossender feststellt, kann de Verwaltungsrot eng vun de Sanktiounen déi am Gesetz virgesi si verhänken, nodeems dat mam Direkter ofgeschwat gouf.
D'Sanktioun kann entweeder sinn:
- e Verweis ((fr) blâme),
- e Verweis mat der Verflichtung e Communiqué iwwer d'Antenn virzeliesen, oder
- eng Geldstrof tëscht 250 a 25.000 Euro.
Consultativ Assemblée
ännerenD'consultativ Assemblée ass eng Kommissioun déi aus maximal fënnefanzwanzeg Membere besteet, an déi vun deenen Organisatiounen, déi am meeschten am sozialen a kulturelle Liewen zu Lëtzebuerg present sinn, delegéiert ginn. Se gi fir eng Period vu fënnef Joer ernannt.
D'Assemblée muss ë. a. am Kader vun enger Instruktioun iwwer verschidde Sujeten déi am Gesetz opgezielt sinn, ëm en Avis gefrot ginn; et handelt sech dobäi z. B. ëm d'Verbuet fir zur Gewalt, zum Haass an zum Terrorismus opzeruffen, ëm Protektioun vun de Mannerjäregen, asw.
Am Joer 2023 koum d'consultativ Assemblée sechsmol beieneen an huet zwéin Avisen ofginn.
Personal
änneren |
De Contenu vun dësem Kapitel oder dësem Artikel ass net vollstänneg oder net méi aktuell. Hëlleft wgl. mat, en ze komplettéieren oder nees op de leschte Stand ze bréngen. |
Am Ufank hat d'ALIA 6 Mataarbechter an 2021 soll d'Zuel vum Personal op 11 gehéicht ginn.
Programmiwwerwaachung
ännerenBei hirer Grënnung huet d'ALIA 80 Servicer iwwerwaacht[7], 2023 ass d'Zuel op knapp 450 Servicer eropgaangen.
| 2015 | 2016 | 2017 | 2018 | 2019 | 2020 | 2021 | 2022 | 2023 | |
|---|---|---|---|---|---|---|---|---|---|
| Lëtzebuergesch Tëlessprogrammer | 65 | 73 | 68 | 78 | 123 | 133 | 138 | 156 | 132 |
| international Tëlessprogrammer | 0 | 1 | 3 | 8 | 17 | 22 | 182 | 202 | 200 |
| VOD | 19 | 13 | 13 | 11 | 12 | 17 | 30 | 46 | 81 |
| VSP | 0 | 0 | 0 | 0 | 0 | 0 | 0 | 11 | 11 |
| Radiossprogrammer | 18 | 18 | 18 | 18 | 20 | 21 | 20 | 20 | 20 |
| Total | 102 | 105 | 102 | 115 | 62 | 192 | 370 | 435 | 444 |
Um Spaweck
änneren- Der ALIA hir Websäit.
- Organisatiounen, déi an der consultativer Assemblée vertruede sinn (Arrêté grand-ducal vum 11. Februar 2020)
- Thierry Hoscheit gibt ALIA-Vorsitz ab, wort.lu, 04.07.2024
Referenzen
änneren- ↑ (fr)Loi du 27 août 2013 portant création de l'établissement public « Autorité luxembourgeoise indépendante de l'audiovisuel » (...). legilux.public.lu (27.08.2013). Gekuckt de(n) 10.09.2020.
- ↑ Presentatioun an engem Pressecommuniqué vum 3. Mäerz 2014, S.3-4
- ↑ (fr)Autorité luxembourgeoise indépendante de l’audiovisuel - Nominations. data.legilux.public.lu (13.01.2019). Gekuckt de(n) 05.08.2024.
- ↑ (fr)Autorité luxembourgeoise indépendante de l’audiovisuel - Nominations. legilux.public.lu (09.09.2019). Gekuckt de(n) 05.08.2024.
- ↑ zeréckgetrueden op de 15. September 2024
- ↑ (fr)Arrêté grand-ducal du 24 janvier 2024 portant nomination du Conseil d’administration de l’Autorité luxembourgeoise indépendante de l’audiovisuel. legilux.public.lu (24.01.2024). Gekuckt de(n) 05.08.2024.
- ↑ Pierre Sorlut: "Jurassic TV." d'Lëtzebuerger Land Nr. 27, 09.07.2021, S.9.
- ↑ (fr)Rapport Annuel 2023 ALIA (S. 55). Gekuckt de(n) 03.08.2024.