Augusto Pinochet
|
Dësen Artikel iwwer e Politiker ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran. |
Den Augusto José Ramón Pinochet Ugarte [pinoˈʧεt] (* 25. November 1915 zu Valparaíso, † 10. Dezember 2006 zu Santiago de Chile) war e chileenesche Generol an Diktator. Vum 11. September 1973 bis zum 11. Mäerz 1990 huet hie Chile regéiert: fir d'éischt als President vun enger Militärjunta duerno als President (ouni awer jee gewielt gewiescht ze sinn). Hie war ee vun den Haaptleit beim Putsch géint den deemolege sozialistesche President Salvador Allende.
| Augusto Pinochet | |
|---|---|
(2).jpg) | |
| Gebuertsnumm | Augusto José Ramón Pinochet Ugarte |
| Gebuer |
25. November 1915 Valparaíso |
| Gestuerwen |
10. Dezember 2006 Santiago de Chile |
| Doudesursaach | Häerzschlag |
| Nationalitéit | Chile |
| Educatioun | Universidad de Chile |
| Aktivitéit | Militär, Politiker |
 | |
An deene 17 Joer wou en un der Muecht war, waren Arrestatiounen, Folterung, Muerd oder Verbannung vu politesche Géigner feste Bestanddeel vum Pinochet senger Politik. D"Kommissioun fir Wourecht a Reconcilliatioun" huet 2.095 doudeg an 1.102 "verschwonne" Prisonéier gezielt, aner Quellen zielen der Honnerte méi.
27.255 Leit krute spéider de Status als politesch Gefaangen unerkannt, dorënner 13 % Fraen; bal all goufe systematesch gefoltert. Honnertdausende vu Chileenen hunn d'Land verlooss, fir virum Regime fortzelafen.
De Pinochet gouf, nodeem e Walen zougelooss hat, den 11. Mäerz 1990 vum Patricio Aylwin als President ofgeléist. Well e sech d'Verfassung virdrun op d'Mooss schneidere gelooss hat, blouf e Senator op Liewenszäit, wat him politesch Immunitéit ginn huet, a bis 1998 Commandant en Chef vun der Arméi.
De Pinochet ass, eng Woch no engem Häerzinfarkt, am Alter vun 91 Joer gestuerwen, ouni fir d'Verbriechen, déi ënner senger Herrschaft geschouchen, verurteelt ginn ze sinn.
Um Spaweck
änneren| Commons: Augusto Pinochet – Biller, Videoen oder Audiodateien |
