Ardenner Zeitung (1862-1863)

Dësen Artikel beschäftegt sech mat der Ardenner Zeitung, déi 1862-1863 erauskoum. Fir eng aner Zeitung mam selwechten Numm, kuckt wgl. Ardenner Zeitung (1885-1939).

D'Ardenner Zeitung war eng Zeitung, déi vum 5. Oktober 1862 bis de 15. November 1863 zweemol d'Woch zu Dikrech erauskoum. Editeuren an Drécker waren d'Bridder Pierre a Jacques Heintzé.

Ardenner Zeitung

Hiert Zil war et, am Éislek dem liberale Wächter an der Sauer eng konservativ a regierungstrei Stëmm entgéintzesetzen, sou wéi d'Heintzéen et schonn an der Stad Lëtzebuerg mat hirer L'Union, déi sech géint de Courrier du Grand-Duché de Luxembourg positionéiert hat, gemaach hunn.

D' Ardenner Zeitung konnt sech awer net géint de Wächter duerchsetzen an huet no engem Joer nees opgehalen.

Literatur

• Hilgert, Romain, 2004. Les journaux au Luxembourg 1704-2004, Service information et presse, Luxembourg. (Als Pdf an 2 Sprooche fir erofzelueden) (fr)(de), S.97.

Kuckt och

• Lëscht vun Zeitungen an Zäitschrëften zu Lëtzebuerg