Anville (Moundkrater)
Den Anville ass e relativ klengen, eenzel geleeënen Aschlagkrater um nërdlechen Deel vum Mare Fecunditatis. Déi nächst opfalend Strukture sinn op enger gewësser Distanz südwestlech vum Krater Messier an, nach méi wäit ewech am Südoste, südlech vum Moundequator, d'Hiwwele vum Dorsa Geikie mat dem Krater Lindbergh deen hannendru läit. Am Nordweste läit den Krater Taruntius um Rand vum Mare.
 Anville (riets ënnen) an Ëmgéigend (LROC-WAC) | |
| Koordinaten | 1°50'24"N, 49°30'36"O |
|---|---|
| Duerchmiesser | 10,3 km |
| Déift | 2.220 m |
| Selenographesch Längt | 311° bei Sonnenopgank |
| Genannt no | J.- B. Bourguignon d'Anville |
| Genannt am Joer | 1976 |
| Moundvéiereck | LQ13 |
De kreesronne, taassfërmege Krater huet e schaarfe Kraterrand an huet nëmme kleng Erosiounsspueren. Am ëstleche Beräich vun der bannenzeger Kratermauer losse sech kleng Rutschungen erkennen.
Den Anville gouf trotz der grousser Distanz als Satellittekrater vum Taruntius mat der Bezeechnung 'Taruntius G' gefouert. Am Joer 1976 gouf de Krater vun der I.A.U. op den Numm Anville, nom franséische Geograph Jean-Baptiste Bourguignon d'Anville (1697–1782) ëmgedeeft.
