Amos Oz

Den Amos Oz (Hebräesch: עמוס עוז), gebuer als Amos Klausner de 4. Mee 1939 zu Jerusalem, a gestuerwen den 28. Dezember 2018 zu Tel-Aviv, war en israeelesche Schrëftsteller, Journalist an Intellektuellen. Hien huet eng ganz Rëtsch Romaner, Erzielungen, Essayen an och 3 Kannerbicher geschriwwen, déi a 34 Sproochen iwwersat gi sinn an hien zu engem vun de renomméiertsten an och zum am meeschten iwwersaten israeeleschen Auteur maachen. Hie krut dofir och eng ganz Rëtsch international Distinctiounen, wéi de Friedenspreis des Deutschen Buchhandels, den Israel-Präis, de Goethepräis, de Prënz-von-Asturien-Präis den Officier de l'Ordre des Arts et des Lettres, an enger sëllegen Éierendoktorater.

Amos Oz
Gebuertsnumm	Amos Klausner
Gebuer	4. Mee 1939 Jerusalem
Gestuerwen	28. Dezember 2018 Petah Tikva
Doudesursaach	Kriibs
Nationalitéit	Israel
Educatioun	Hebräesch Universitéit Jerusalem
Aktivitéit	Linguist, Journalist, Romancier, Iwwersetzer, Essayist, Pedagog, Universitéitsprofesser, Kannerbuchauteur, Dichter, Schrëftsteller, Novellist
Member vun	Europäesch Wëssenschafts- a Konschtakademie, American Academy of Arts and Sciences
Famill
Kanner	Fania Oz-Salzberger

Hie war laang Jore Professer fir hebräesch Literatur op der Ben-Gurion-Universitéit vun Negev zu Be'er Scheva.

Nieft sengem literaresche Wierk gouf den Oz och fir seng Aarbechten als politesche Journalist an Aktivist bekannt, woubäi de Konflikt am Noen Osten hien am meeschte beschäftegt huet. Hie war an deem Zesummenhank ee vun de prominente Promoteure vun der Iddi vun enger "Zwéi-Staate-Léisung" a war ee vun de Matgrënner vun der Friddensbeweegung Peace Now.

Literatur

• "Interview: A life in writing: Amos Oz." The Guardian, 2017-11-29

Um Spaweck

Commons: Amos Oz – Biller, Videoen oder Audiodateien

• Andreas Platthaus: "Zum Tod von Amos Oz. Liebe und Finsternis." FAZ.net, 2018-12-29.