Alexander Stubb

De Cai-Göran Alexander Stubb, gebuer den 1. Abrëll 1968 zu Helsinki, ass e finnesche Politiker an zanter dem 1. Mäerz 2024 President vu sengem Land.

Alexander Stubb
Gebuertsnumm	Cai-Göran Alexander Stubb
Gebuer	1. Abrëll 1968 Helsinki
Nationalitéit	Finnland
Educatioun	London School of Economics, Collège d'Europe, Universitéit Panthéon-Sorbonne, Sorbonne – Paris IV
Aktivitéit	Politiker, Diplomat, Universitéitsprofesser, Schrëftsteller

Karriär

Hie war vun 2000 bis 2008 Professer um Collège d'Europe zu Bruges, vun 2004 bis 2008 Deputéierten am Europäesche Parlament, dono Ausseminister (2008-2014) a Minister fir Aussenhandel (2011-2014) vu Finnland.

Vum Juni 2014 bis Mee 2015 war hie Premierminister vu Finnland. Dono gouf hie Finanzminister an der Regierung vum Juha Sipilä.

2017 bis 2020 war hie Vizepresident vun der Europäescher Investitiounsbank. Dono war hien Direkter a Professer op der School of Transnational Governance vum European University Institute.

Den 11. Februar 2024 gouf hien am zweeten Tour vun de Presidentschaftswalen zum neie President vu Finnland gewielt an den 1. Mäerz 2024 vereedegt.

Um Spaweck

Commons: Alexander Stubb – Biller, Videoen oder Audiodateien