Haaptmenü opmaachen

Den Alessandro Giuseppe Antonio Anastasio Grof vu Volta gebuer den 18. Februar 1745 zu Como, Italien, a gestuerwen de 5. Mäerz 1827 zu Camnago bei Como war en italienesche Physiker. Hien huet d'elektresch Batterie erfonnt. Zesumme mam Luigi Galvani gëllt hien als ee vun de Grënner vum Zäitalter vun der Elektrizitéit an der Elektrotechnik.

Alessandro Volta
Volta A.jpg
Gebuer 18. Februar 1745
Como
Gestuerwen 5. Mäerz 1827
Como
Aktivitéit Physiker, Erfinder, Professer
Member vun Preisesch Wëssenschaftsakademie, Koninklijke Nederlandse Akademie van Wetenschappen, Accademia Nazionale delle Scienze, Bayeresch Wëssenschaftsakademie, Accademia delle Scienze di Torino, Académie des sciences
Wikidata-logo-without-paddings.svg

Säi LiewenÄnneren

Dem Volta seng Elteren, de Filippo Volta an d'Maria Maddalena Inzaghi, hunn hien op eng Jesuiteschoul geschéckt, mat dem Hannergedanken, datt hie Jurist sollt ginn.

Am Joer 1774 gouf hie Physiksschoulmeeschter a senger Heemechtsstad, a 1779 Professer op der Universitéit Pavia.

Hien huet am Joer 1793 d'Teresa Peregrini bestuet, mat där hien dräi Jongen krut.

De Volta ass 1819 a Pensioun gaangen.

ErfindungenÄnneren

Am Joer 1775 erfënnt de Volta den Elektrophor, a 1783 de Plackekondensator.

Seng gréisst an erfollegräichst Erfindung war awer am Joer 1800 d'Sail vum Volta, déi éischt Batterie, déi funktionéiert huet. Si huet aus Koffer- an Zénkplakke bestanen, déi ofwiessend iwwereneegeluecht waren. D'Plakke goufe mat Dicher, déi mat Saier gedränkt waren, vunenee getrennt.

Eng weider Erfindung vun him war den Eudiometer.

ÉierungenÄnneren

  • 1791 ass hie bei der Royal Society zu London als Member opgeholl ginn.
  • 1794 krut hien d'Copley Medail.
  • 1810 fir seng Verdéngschter an der Elektrizitéit z'éiere gëtt den Napoleon Bonaparte him de Grofentitel
  • 1815 ernennt de Keeser vun Éisträich hien zum Professer op der Univesitéit Padua
  • 1897, also 70 Joer no sengem Doud, gouf de Volta mat deenen héchsten Auszeechnungen, déi jee e Physiker kréie kann, geéiert: Zu sengen Éiere gouf d'Moosseenheet fir d'elektresch Spannung Volt no him genannt.
  • De Volta a seng Aarbechtsplaz, de Voltatempel, ware bis virun der Aféierung vum Euro op den italienesche Geldschäiner ze gesinn.

Kuckt ochÄnneren

Um SpaweckÄnneren