Ivan Basso

Den Ivan Basso, gebuer de 26. November 1977 zu Gallarate an der Provënz Varese, ass en italieenesche professionelle Vëlossportler.

Ivan Basso
Gebuer	26. November 1977 Gallarate
Nationalitéit	Italien
Aktivitéit	Vëlossportler
Positioun oder Spezialitéit	Etappecourse
Gréisst	182 Zentimeter
Gewiicht	69 kg
Veräin/Ekipp	Saxo Bank-Sungard, Discovery Channel, Saxo Bank-Sungard, Fassa Bortolo

Hien ass vu klengem u vum Vëlo begeeschtert a mécht sech eleng op de Wee op de Stelvio Pass, dee Bierg, deen no bei dem Vakanzhaus vun der Famill Basso läit.

Mat siwe Joer fiert hie seng éischt Course bis hien 1998 am hollännesche Valkenburg um Kauberg U23 Weltmeeschter gëtt. Hie wiesselt net direkt bei d'Profien, mä hie bleift bis de Mee 1999 U23, bis hien da bei "Amica Chips" als Neo-Profi an en Team kënnt. Hie weist e puer gutt Leeschtungen 1999 beim Giro, awer hie fiert en net fäerdeg.

No der Saison 2000 bei "Riso Scotto" wiesselt en an d'éischt Divisioun bei d'italieenesch Formatioun "Fassa Bortolo", wou hien am Tour Méditerranéen déi 3. Etapp gewënnt, ier hien no enger Chute muss opginn.

Palmarès

1998

• Weltmeeschter op der Strooss, U 23

2002

• Beschte Jonke Profi am Tour de France

2003

• 7. am Generalklassement vum Tour de France

2004

• 1 Etappegewënn an 3. am Generalklassement am Tour de France
• Giro dell'Emilia

2005

• 2. am Generalklassement am Tour de France
• 2 Etappegewënn am Giro d'Italia
• Tour vun Dänemark: 1. am Generalklassement an a 4 Etappen

2006

• Critérium international: 1. am Generalklassement an an enger Etapp
• Giro d'Italia: 1. am Generalklassement a Gewënner vun 3 Etappen.

2009

• Giro del Trentino: 1. am Generalklassement

2010

• 1. am Giro d'Italia
• 1. am Gran Premio Industria Commercio Artigianato Carnaghese

Ekippen

• 2000: Amica Chips
• 2001 - 2003: Fassa Bortolo
• 2004 - 2006: CSC-Tiscali
• 2007: Discovery Channel
• 2009: Liquigas

De 24. Abrëll 2007 gouf hie vun der Ekipp "Discovery Channel" suspendéiert well hien an den Dopingskandal Fuentes verwéckelt soll sinn.

Um Spaweck

• Dem Ivan Basso seng offiziell Säit

Commons: Ivan Basso – Biller, Videoen oder Audiodateien