Réi Träipen
Gebroden Träipen

Träipen ass déi lëtzebuergesch Variant vun der Bluttwurscht, déi gebrode gëtt.

Den NummÄnneren

Wat ass dran?Änneren

E wéineg Fleesch vum Schwäin, haaptsächlech Ënnereien, déi gemuel sinn. Da kënnt wäisse Kabes, reng gerappt, Miel a Schwéngsblutt dobäi. Typesch Gewierzer si Bounekräitchen a ganz e wéineg Kümmel.

Träipen zu LëtzebuergÄnneren

Rezepter fir Träipe gëtt et sou vill wéi Bauerefamilljen, déi selwer geschluecht hunn. Dobäi gëtt et eng Fauschtreegel: 1/3 Fleesch mat Fett; 1/3 Geméis an 1/3 Schwéngsblutt. Gewierzer aus dem Land ginn éischter gebraucht wéi Kümmel an aner Exoten.

Träipe goufen traditionell an de Wanterméint giess. Dëst spigelt sech nach haut an der sougenannter Träipenzäit erëm, déi op Allerhellgen ufänkt a mam Buergbrennen ophält.

An der Zäit war et Brauch, no de Chrëschtmetten Träipen iessen ze goen. A verschiddenen Uertschaften am Land war et och Brauch, datt no de Metten an de Wiertschaften d'Stackclientèle no der Mass Träipe gratis zerwéiert krut.

Um SpaweckÄnneren

Commons: Träipen – Biller, Videoen oder Audiodateien