Tourismus
Tourismus oder Tourissem ass en Openthalt, deen net méi laang wéi ee Joer dauert, dee baussent der alldeeglecher Wunn- an Aarbechtswelt läit, an dozou dénge soll, fir friem Plazen a Länner kennenzeléieren an/oder fir sech z'erhuelen.
Et gëtt verschidden Zorte vun Tourismus, wéi z. B. de Fräizäittourismus oder Geschäftsreesen.
Bei der Dauer vun enger Rees gëtt ënnerscheet tëscht:
- Dagesausflich (maximal 24 Stonnen ouni Iwwernuechtung)
- Kuerzreesen (Reese vun 2 bis 4 Deeg)
- Vakanzereesen (Reese vu méi wéi 4 Deeg)
- Laangzäitreesen (Reese vu méi wéi 3 Méint)
Zu Lëtzebuerg Änneren
Fir den Tourismus z'ënnerstëtzen gëtt et zu Lëtzebuerg:
- den Tourismusministère;
- e Landesverband fir Tourismus, den Office national du tourisme;
- regional Verbänn fir Tourismus, d'Offices régionaux du tourisme;
- Tourismusbüroen (fr.: Office de tourisme);
- a verschidde Gemengen gëtt et:
- eng Tourismuskommissioun oder eng Kulturkommissioun, déi sech mat Tourismus befaasst;
- e Syndicat d'initiative et de tourisme, gekierzt "Syndicat" genannt;
- weider touristesch Veräiner.
Um Spaweck Änneren
| Commons: Tourismus – Biller, Videoen oder Audiodateien |
