Spuereschëld

E Spuereschëld ass eng vertikal Signalisatioun, déi gëlteg ass fir eng oder méi Spuere vun enger Strooss, wann dës Strooss méi wéi eng Spuer an enger Richtung huet.

Zu Lëtzebuerg

Am Texte coordonné vum Lëtzebuerger Code de la Route, deen an engem Arrêté grand-ducal vum 23. November 1955 festgehale gouf, an duerno e puermol geännert gouf, sinn d'Spuereschëlter am Kapitel V Voie publique, an der Sektioun IV De la signalisation routière am Artikel 107, ënner der Rubrik VII. Signaux applicables à une ou plusieurs voies d'une chaussée comportant plusieurs voies de circulation dans le même sens beschriwwen.

Lëscht vun de Spuereschëlter

	Bedeitung	Bezeechnung(en)	Bemierkung
1	Schëld mat engem Hiwäis op eng Gefor	Schëld G, 1a - Schëld G, 1b
2	Schëld mat engem Verbuet oder enger Restriktioun	Schëld G, 2a - Schëld G, 2b
3	Schëld mat engem Gebuet	Schëld G, 3a - Schëld G, 3b
4	Schëld mat engem Hiwäis	Schëld G, 4a - Schëld G, 4b
5	Schantjen-Schëld	Schëld G, 5a - Schëld G, 5b

Technesch Donnéeën

Op den Autobunnen sinn d'Feiler vun de Spuereschëlter wäiss op bloem Hannergrond an op den anere Stroosse schwaarz op gielem Hannergrond. Am Kader vun der Kennzeechnung vu Schantercher sinn d'Feiler schwaarz op wäissem Hannergrond.

Kuckt och

• Verkéiersschëlter aus dem lëtzebuergesche Code de la Route

Um Spaweck

Commons: Spuereschëld – Biller, Videoen oder Audiodateien