Sirer Millen
D'Sirer Millen, och Lanners Millen genannt, ass eng Millen zu Sir, déi mam Waasser vun der Bëtler Baach ugedriwwe gëtt.
 D'Millen am Joer 2011 | |
| Land | Lëtzebuerg |
|---|---|
| Gemeng | Bauschelt |
| Plaz | Sir |
| Koordinaten |
49° 54’ 13.1’’ N 5° 46’ 45.3’’ O |
| Statut | Klasséiert Monument |
| Proprietär | privat |
 | |
.jpg)
Si soll ëm déi 500 Joer al sinn. Bis Dezember 2018 war si iwwer 100 Joer am Besëtz vun der Famill Lanners. D'Mille war bis an d'1990er Joren aktiv[1], de leschte Mëller war den Alexis Lanners[2].
Zanter 2018 ass d'Millen am Besëtz vun der Famill Feltz-Heldenstein, déi wëlles huet, déi al Millen ze restauréieren an nees un d'Goen ze kréien. Et gëtt awer Schwieregkeeten, well uewenzeg vun der Millen e Projet besteet fir d'Bëtler Baach ëmzeleeden, wat mat sech brénge géif, datt de Millegruef kee Waasser méi hätt fir déi historesch Francis-Turbinn unzedreiwen.[3]
Den 18. Mee 2007 gouf se als Nationaalt Monument op d'Lëscht vun de klasséierte Monumenter agedroen[4].
Den 23. Oktober 2020 gouf och de Millegruef op déi Lëscht gesat[4].
Kuckt och
ännerenLiteratur
änneren- John Lamberty, Don Quijote mit Wassermühle, Luxemburger Wort, 13. Juni 2020, S.36
- Frank Weyrich, Mühen mit einer Mühle, Renovierungswilliger Besitzer bemängelt Tatsachenverweigerung und Willkür von Ämtern und Geminde, Luxemburger Wort, 10. Mee 2021, S. 34; Warum die denkmalgeschützte Mühle in Syr weiter verfällt, op wort.lu 10. Mee 2021
Um Spaweck
änneren| Commons: Sirer Millen – Biller, Videoen oder Audiodateien |
- Sirer Millen op millen.lu
- Säit iwwer d'Mëllerfamill Lanners an d'Millen op lannersnet.lu.
Referenzen
änneren- ↑ dem Artikel vum J. Lamberty no, bis uganks vun den 2000er Joren
- ↑ "Fir se z'erhalen: D'Bannmillen zu Sir soll verkaf ginn." rtl.lu, 29.11.2017, 06:13:03.
- ↑ John Lamberty: "Syr: Mühlenrestaurierung mit Hindernissen." wort.lu, 13.06.2020.
- ↑ 4,0 4,1 Institut national pour le patrimoine architectural: Liste des immeubles et objets bénéficiant d'une protection nationale. (Lescht Versioun vum 3. Juli 2024).