Sinus Concordiae
De Sinus Concordiae (lat. fir Bucht vun der Harmonie) ass e klengt buchtaartegt Moundmier beim Mare Tranquillitatis um Äerdmound. Den Numm gouf vun der Internationaler Astronomescher Unioun am Joer 1976 festgeluecht.
Déi donkelgro Basaltfläch vum verstengerte Lavaséi huet e mëttleren Duerchmiesser vun 142 Kilometer. Hie läit um Ostrand vum Mare Tranquillitatis bei de mëttlere selenographesche Koordinaten 10° 48' Nord an 43° 12' Ost. Nordwestlech vun him erstreckt sech de Sinus Amoris.
