Self-service

Self-service ass e Konzept am Handel, bei deem de Client sech déi ugebuede Wueren oder Servicer ouni Hëllef vu Personal eraussicht, sech da selwer zerwéiert an da bezillt.

Déi gängegst Aart vu Self-service ass déi a Supermarchéen oder och soss Geschäfter; et gëtt awer och Self-service-Restauranten oder Cafeteriaen.

Och bei Automaten, bei deenen ee Gedrénks, Iessen oder soss Wueren eraussichen a kafe kann, schwätzt ee vu Self-service. Self-service-Automate gëtt et och fir Déngschtleeschtungen, wéi z. B. fir Ticketen fir den Transport, oder z. B., fir Saachen auszeléinen, wéi z. B. Vëloen.

De Virdeel vum Self-service (fir de Verkeefer) ass, datt e manner oder kee Personal brauch, fir ze verkafen, an de Client sech no sengem eegene Rhythmus a Goût Saachen eraussiche kann, wat d'Geleeënheet zu Impulsivkeef erhéicht.