Schlass Gréiwels

D'Schlass Gréiwels war e Schlass an der Gemeng Bartreng, dat wéinst senger roudelzeger Fassad och Rout Schlass genannt gouf.

Schlass Gréiwels

Land	Lëtzebuerg
Gemeng	Bartreng
Plaz	Gréiwelsser Haff
Ofgerappt oder zerstéiert	1948

Historique

D'Schlass gouf 1858 vum Charles Munchen kaf. Hien huet et transforméiert, vergréissert a renovéiert.

1884 gouf d'Schlass duerch e Feier zerstéiert. Duerno gouf et erëm opgebaut.

1927 hunn d'Ierwen d'Proprietéit dem Restaurateur (Gastwirt) Chrétien Schmit-Ferry fir 260.000,- Frang verkaf.

Zanter dem Ufank vum Zweete Weltkrich war d'Schlass net méi bewunnt.

Den 9. September 1944, den Dag vun der Befreiung vu Bartreng, gouf d'Schlass duerch e Feier zerstéiert. De leschte Proprietär war den Nottär Joseph Neuman.

D'Ruine vum Schlass goufen 1948 ofgerappt.

D'Gréiwelsserschlass stoung nieft dem Gréiwelsser Haff, dee bis 1927 zum Schlass gehéiert huet.

Literatur

• Christophory, Jul: Le Château de Grevels et la Libération de Bertrange - au Grand-Duché de Luxembourg - le 9 septembre 1944 ; Éditions Paul Bauler, 2009.

Um Spaweck

• D'Schlass Gréiwels an aner historesch Monumenter op der Websäit vun der Gemeng Bartreng (fr)