Schillenboer

Als Schillenboer (Hollännesch fir Schielebauer) gouf am 20. Joerhonnert eng Persoun an Holland bezeechent, déi mat engem Won oder enger Kärche bei d'Hausdier komm ass, fir Geméisoffall, aalt Brout an aneren Offall, deen als Fudder fir d'Véi konnt gebraucht ginn, anzesammelen. An der Reegel war de Schillenboer en aarmen Ziichter mat engem klenge Véibestand.

E "Schielebauer" mat senger Kärchen 1945 zu Amsterdam.

D'Leit hunn den Offall, dee se dem Schillenboer ginn hunn, net an d'Dreckskëscht gehäit, mee an e separaten Eemer gemaach.

Och zu Berlin gouf dee Beruff 1915 vun der Regierung agefouert, fir d'Liewensmëttelverschwendung ze bekämpfen.

Mat der Aféierung vun der Trennung tëscht dem organeschen an dem aneren Offall sinn d'Schillenboeren an Holland no an no verschwonnen. Och nei Hygiènesvirschrëften, déi et verbidden, datt déi organesch Offäll, déi bei der Hausdier gesammelt ginn, als Déierefudder gebraucht ginn, hunn dozou bäigedroen.

Am 21. Joerhonnert goufen et e puer kuerzlieweg Experimenter, fir d'Roll vum Schillenboer erëm anzeféieren, dorënner zu Rotterdam (2000-2001), Apeldoorn (2009-2013)^, an Nijmegen (2018).

Biller

• 
  E Schillenboer zu Utrecht sicht no Schanken tëscht de Schielen, fir déi an d'Läimfabrick ze bréngen (1941).
• 
  E Schillenboer zu Haarlem kippt en Eemer mat Geméisreschter a säi Weenchen (1990).

Kuckt och

• Lompekréimer