Rotterdam

hollännesch Stad a Gemeng


Rotterdam ass no Amsterdam déi zweetgréisst Stad vun Holland an huet verkéierstechnesch eng ganz grouss Bedeitung, doduerch datt se de gréissten Hafe vun Europa (drëttgréisste vun der Welt, no Shanghai a Singapur) huet. D'Stad selwer huet ronn 600.000 Awunner, D'Gemeng rond 664.000 Awunner (2023), an der Metropolregioun wunnen der awer ongeféier 1,2 Milliounen (2006). An der Moyenne läit d'Stad zwéi Meter ënner dem Mieresspigel.

Rotterdam
Land Holland
Provënz Südholland
Awunner 664.311 (1 Januar 2023)
Fläch 319,35 km²
Koordinaten 51°55'12"N, 4°28'48"O
Telefonszon 010
Postcode 3000–3089
Websäit https://www.rotterdam.nl/

Nieft Amsterdam an Den Haag ass Rotterdam e kulturellen Zentrum vun Holland. Rotterdam huet eng Universitéit, verschidde Fachhéichschoulen, eng Musekshéichschoul an eng Konschtakademie. Et ass d'féierend Industrie- an Handelsstad vun Holland. Besonnesch opfälleg ass d'Wollekekrazertsilhouette vu Rotterdam, déi sech an de leschten zwanzeg Joren entwéckelt huet.

Rotterdam läit an der Provënz Südholland. D'Stad gehéiert zum Ballungsraum Randstad, an ass zum gréissten Deel duerch Däicher geschützt.

Geschicht änneren

  00Dëst Kapitel ass nach eidel oder onvollstänneg. Hëlleft wgl. mat, fir et ze komplettéieren.

Rotterdamm gouf 1940 beim Bombardement vun der däitscher Wehrmacht zu groussen Deeler zerstéiert.

  Méi Informatioun doriwwer am Artikel: Bombardement vu Rotterdam.

Biller änneren

Kuckeswäertes änneren

Um Spaweck änneren

Commons: Rotterdam – Biller, Videoen oder Audiodateien