Schëffmillen

Eng Schëffmillen ass eng rar Form vun enger Waassermillen.

Schëffmillen zu Minden a Westfalen op der Weser

Bei enger Schëffmillen ass de ganze Mechanissem op enger Plattform opgebaut, déi an der Stréimung vun engem Floss verankert ass. De Virdeel vun de Schëffmillen ass deen, datt zu all Ament de Waasserpegel de selwechte bleift, well d'Plattform bei méi héijem Waasser matklëmmt.

Am Wanter konnten d'Schëffmille bei Äisgank aus der Stréimung un d'Ufer a Sécherheet gezu ginn. Wéi d'Schëffaart zougeholl huet, sinn d'Schëffmillen no an no verschwonnen.

Hautdesdaags sinn nogebaute Schëffsmillen, déi funktionéieren, ze fannen:

• zu Minden a Westfalen op der Weser
• zu Höfgen a Sachsen op der Mulde
• zu Mureck an der Steiermark op der ënneschter Mur
• zu Orth an Éisträich op der Donau

Um Spaweck

• Websäit iwwer d'Mindener Schëffmillen
• Websäit iwwer d'Murecker Schëffmillen an Éisträich

Commons: Shipmills – Biller, Videoen oder Audiodateien