Sûreté
De Service de la Sûreté Publique, am Volleksmond d'Sûreté, war en nationale Police- an Iwerwaachungsdéngscht, deen tëscht 1929[1] an 1992 bei der Groussherzoglecher Gendarmerie, ënner dem direkte Kommando vum Chef de corps ageriicht war. D'Sûreté war mat spezielle Missioune vun der Police judiciaire a vun der administrativer Police beoptraagt [2].
Se stoung ënner dem Kommando vun engem delegéierten Offizéier am Grad vum Kapitän oder 1. Leitnant. De Rescht vum Service huet aus Commissairen, Commissaire-adjointen an Inspecteur-adjointe bestanen, alleguer aus der Ënner-Offizéieschcarrière déi no engem speziellen Exame vun der zoustänneger Examenskommissioun[3] zougelooss goufen.
D'Commissairen an d'Commissaire-adjointë vun der Sûreté waren Offizéier vun der geriichtlecher Police (OPJ).[2]
D'Sûreté ass mam Gesetz vum 29. Mee 1992, iwwer de Service de Police Judiciaire[4] ofgeschaaft ginn, a mam haitege Service de Police Judiciaire (ofgekierzt SPJ) genannt, ersat ginn, an deen zanter der Fusioun vu Gendarmerie a Police, en Departement vun der Police grand-ducale ass.
Referenzen
änneren- ↑ (de)j.m.m. - d'Letzeburger land, Im Kreisssaal der Koalition - Reform der "Sûreté Publique". 21.04.1989. Gekuckt de(n) 10.11.2024.
- ↑ 2,0 2,1 (fr)Service de la législation, Loi du 23 juillet 1952 concernant l’organisation militaire, Artikelen 62 bis 65. Legilux (1952). Gekuckt de(n) 08.11.2024.
- ↑ (fr)Service de la législation, Arrêté grand-ducal du 8 juin 1960 fixant les conditions de recrutement des membres de la Sûreté publique.. Legilux (1960). Gekuckt de(n) 08.11.2024.
- ↑ (fr)Service de la législation, Loi du 29 mai 1992 relative au Service de Police Judiciaire. Legilux (1992). Gekuckt de(n) 08.11.2024.