Séi vu Retournemer

Geographesch Koordinaten:

48° 03’ 26’’ N 06° 59’ 01’’ O

De Séi vu Retournemer läit um Territoire vun der Gemeng Xonrupt-Longemer am franséischen Departement Vosges.

De Séi vu Retournemer vum "Däiwelsfiels" gesinn

Et ass e Séi, deen aus der Äiszäit staamt. Duerch de Séi leeft d'Vologne.

Moossen

• Breet: 320 m
• Längt: 250 m
• Fläch: 5,25 ha.
• Héicht: 776 m
• Duerchschnëttsdéift: 11,50 m.

D'Enstoe vun der Vallée des lacs

Am Laf vum Äiszäitalter waren d'Vogesen e puermol vu Gletscher bedeckt, an déi dräi Séien an der Vallée des lacs stamen aus der leschter Period der Würmäiszäit (80.000 - 10.000 v. Chr.).

• Den éischte Séi, de Séi vu Retournemer ass e Séi deen an engem Äiszäitzirkus läit.
• Den Zweeten, de Séi vu Longemer ass an engem Baseng am ale Bett vum Gletscher.
• Den Drëtten, de Séi vu Gérardmer gëtt vun enger Endmorän gestaut, déi den Dall definitiv no ënnen zoumécht.