Journalist
E Journalist (fir de Mann) oder eng Journalistin (fir d'Fra) ass eng Persoun, déi haaptberufflech Noriichten an Informatioune recherchéiert, schreift a verbreet. Journaliste schaffen a verschiddene Medien, dorënner de Printmedien (Zeitungen, Zäitschrëften), dem Radio an der Televisioun, an den digitale Medien (Online-Noriichteportaler, Blogs). Hir Haaptaufgab besteet doran, d'Ëffentlechkeet iwwer aktuell Evenementer, gesellschaftlech Entwécklungen a verschidden Themeberäicher ze informéieren.[1]
D'Aarbecht vun engem Journalist fänkt dacks mat der Recherche vun Informatiounen un. Dat ëmfaasst d'Sammele vu Fakten, d'Féiere vun Interviewen an d'Iwwerpréiwe vu Quellen. No der Recherche verfaasst de Journalist Artikelen, Berichter oder aner Forme vu Bäiträg, déi objektiv a balancéiert solle sinn. Dofir musse si journalistesch Standarter wéi Geneeëgkeet, Transparenz an Onofhängegkeet anhalen.
Journaliste kënnen an ënnerschiddleche Fachgebidder schaffen, wéi zum Beispill der Politik, der Ekonomie, dem Sport, der Kultur oder der Wëssenschaft. Eng Spezialisatioun ass d'investigativ Recherche, bei där déifgrënneg Nofuerschungen zu komplexen Theme bedriwwe ginn. E Reporter oder Berichterstatter ass d'Bezeechnung fir eng spezielle Tätegkeet vun engem Journalist iwwer en Evenement op der Plaz vun deem Evenement.[2]
D'Ausbildung zum Journalist geschitt iwwer iwwer e Studium, zum Beispill an der Journalistik oder de Kommunikatiounswëssenschaften sinn, oder iwwer e Volontariat an engem Medienhaus. Vill Journalisten hunn och en Hannergrond an anere Fachgebidder a brénge speziellt Wëssen an hir Berichterstattung an.[3]
D'Beruffsvereenegung vun de Lëtzebuerger Journalisten ass d'Association luxembourgeoise des journalistes professionnels. De Presserot ass d'Daachorganisatioun vun de Medien zu Lëtzebuerg.
Der Beruff vum Journalisten spillt eng zentrale Rolle an der demokratescher Gesellschaft, andeem en zur Meenungsbildung bäidréit, Muechtstrukturen hannerfreet an d'Ëffentlechkeet informéiert.[4]
Kuckt och
änneren- Journalismus
- Lëscht vun de Journalisten zu Lëtzebuerg
- Lëscht vun Zeitungen an Zäitschrëften zu Lëtzebuerg
- Centre de formation des journalistes
| Commons: Journalisten – Biller, Videoen oder Audiodateien |
Referenzen
änneren- ↑ studycheck.de: Journalist werden (gekuckt de 24. August 2024)
- ↑ teech.de: Unterschied zwischen Reporter, Redakteur und Journalist: Eine umfassende Erklärung (11. August 2023)
- ↑ einstieg.com: Journalist:in werden - nur mit Journalismus Studium? (gekuckt de 24. August 2024)
- ↑ radiofrance.fr: En démocratie, la place d’un journaliste c’est d’être n'importe où (26. September 2023)