Renée Hutmacher
D'Renée Hutmacher, gebuer den 22. Mee 1956, war wärend 25 Joer eng international villfach priméiert lëtzebuergesch Teddybierméchesch, a Weltmeeschterin am Teddybitzen.
| Renée Hutmacher | |
|---|---|
 D'Renée Hutmacher (2007) | |
| Gebuer | 22. Mee 1956 |
| Nationalitéit | Lëtzebuerg |
| Educatioun | Lycée Michel-Rodange |
| Aktivitéit | Teddybiermécher |
 | |
Zanterhier schreift si Jugendbicher iwwer realistesch a gesellschaftlekritesch Themen ënnert hirem Meederchesnumm Renée Reding.
Der Renée Hutmacher hir "Carrière" als Hierstellerin vun Teddybieren huet 1987 ugefaangen, wéi se domat ugefaangen huet, Parzeläinspoppen ze maachen. Déi hu geleeëntlech als Accessoire e klengen Teddy dobäi kritt, deen awer ganz einfach gehale war.
Si huet am Mäerz 2009 op der Teddybär Welt zu Wiesbaden mat dem Teddy Florentine den TED World Wide Award an der Kategorie Mixed materials undressed gewonnen. Zwéi Joer virdrun hat si schonn zu Essen een Europameeschtertitel krut, an der Kategorie Teddybär Urform bis 70 cm, an eng Nominatioun an der Kategorie Künstlerteddybär unbekleidet.
Am Mäerz 2010 gouf si mat dem Teddybier Joey fir d'zweet Weltmeeschterin zu Wiesbaden.
2011 krut si den 2. Präis vum "TED worldwide Award" an der Kategorie "Masterclass/purely mechanics". Ausserdeem krut si 2011 och nach den 3. Präis an der Kategorie "Masterclass/design variation, dressed".
2012 huet se den 1. Präis vum "TED worldwide Award" an der Kategorie "Masterclass/purely mechanics" gewonnen.
2013 koum se op déi 2. Plaz beim "TED worldwide Award" an der Kategorie "Masterclass - subject: bear".
2014 koum se mat hirem Teddybier "Maude" op déi 1. Plaz beim "Gläserner Teddybär" an der Kategorie F (Fortgeschrittene: Teddybären bekleidet, bis 40 cm).
Mam Teddybier "Emil" huet se 2015 den 1. Präis gewonne beim "TED worldwide Award an der Kategorie: "Masterclass – Design variation dressed".
2016 koum se op déi 2. Plaz beim "TED wordwide Award" an der Kategorie "Masterclass - Teddybear dressed".
2018 huet si mam Teddybier *Lilli" beim Golden George (e renomméierte Concours) net nemmen eng Nominatioun kritt mee gläich de Publikumspräis.
2019 war et du mam Teddybier "Timo&Teddy" beim Golden George eng Nominatioun.
Duerno huet si een Teddybier gemach den dem Guido Maria Kretschmer no empfond war.
Well den Hobby duerch den héije Bekanntheetsgrad ëmmer méi stresseg gouf, hat d'Renée Hutmacher Enn 2016 decidéiert, nodeems se méi wéi 1000 Teddybiere gemaach hat, mam Bitze vun Teddybieren opzehalen.
Et huet net laang gedauert an sie huet sech mat hirem neien Hobby, dem Schreiwen, een Numm gemaach.
2019 huet d'Renée Hutmacher hiert éischt Kannerbuch Den Emil fiert op Wien an der Editions Phi[1] erausbruecht. Duerno si nach vill Geschichten iwwert den Emil a seng Frënn geschriwwe ginn, bis elo (Stand 2024) awer nach net verëffentlecht.
2023 koum hiert éischt Jugendbuch mam Titel zum Kotzen schön[2] eraus, an dat Joer drop Weil du du bist[3].