Provënz Santa Cruz (Argentinien)
Santa Cruz ass eng vun de Provënzen am argentineschen Deel vu Patagonien. Si gouf nom Floss Santa Cruz genannt, deen aus dem Lago Argentino erausleeft an an den Atlantik leeft. Am Norden ass déi schnouerriicht Grenz mat der Provënz Chubut, am Oste grenzt Santa Cruz un den Atlantik. Am Westen an am Süden läit Chile. Et ass déi zweetgréisst Provënz vum Land no Buenos Aires.
D'Landschaft ass typesch fir Patagonien. Am Weste maachen d'Anden d'Grenz. A Richtung Oste kënnt eng Kette vu Gletscherfelder a Séien, déi virdru leien, a vun deenen de gréissten de Lago Argentino ass. De gréissten Deel vun der Provënz ass awer dat dréchent Schichtstufeland vun der patagonescher Meseta, déi bis bei den Atlantik eriwwergeet.
Santa Cruz ass déi Provënz vun Argentinien, wou d'Bevëlkerungsdicht am klengsten ass. Déi meescht Leit wunnen an de Stied, a ville Géigende wunnt keen. Am Weste ginn et vereenzelt Reservater, wou déi autochton Bevëlkerung vu Patagonien, d'Tehuelchevollek wunnt, vun deenen et der awer ëmmer manner gëtt.
Stied
ännerenEt gëtt just e puer grouss Stied, resp. Uertschaften an der Provënz Santa Cruz:
- Río Gallegos (85.000 Aw.), d'Provënzhaaptstad mat Fluchhafen (IATA-Code RGL)
- Caleta Olivia (45.000 Aw.), Zentrum vun der Pëtrolsexploitatioun
- Pico Truncado (20.000 Aw.), Zentrum vun der Äerdgasexploitatioun
- El Calafate (18.000 Aw.), Fluchhafen (IATA-Code FTE), virun allem fir Tourismus, vun do aus fueren d'Reesen an den Nationalpark Los Glaciares fort
- Río Turbio (10.000 Aw.), Zentrum vun der Kuelenexploitatioun an de Südanden, mat enger Statioun fir Wantersport
Departementer
ännerenD'Provënz Santa Cruz ass a siwen Departementer (Departamentos) agedeelt:
| Departamento | Haptstad | Fläch a km² | Awunner |
| Corpen Aike | Puerto Santa Cruz | 26.350 | 7.942 |
| Deseado | Puerto Deseado | 63.784 | 72.953 |
| Güer Aike | Río Gallegos | 33.841 | 92.878 |
| Lago Argentino | El Calafate | 37.292 | 7.500 |
| Lago Buenos Aires | Perito Moreno | 28.609 | 6.223 |
| Magallanes | Puerto San Julián | 19.805 | 6.536 |
| Río Chico | Gobernador Gregores | 34.262 | 2.926 |
Ekonomie
ännerenHaaptaktivitéit ass d'Véizuucht, sou wéi d'Exploitatioun vu Äerdueleg an Äerdgas. Dobäi kommen d'Fëscherei, an am Süden d'Kuelegrouwen an den Tourismus.