Pioneer 2
De Pioneer 2 war eng Raumsond vun der US-amerikanescher Weltraumorganisatioun NASA am Kader vum Pioneer-Programm. D'Pioneer 2 sollt laanscht den Äerdmound fléien an dobäi Biller vun der Mounduewerfläch maachen.
| Pioneer 2 | |
|---|---|
.jpg) | |
| Zil | Fluch laabscht de Mound Biller vun der Mounduewerfläch |
| Land | USA |
| Agentur | NASA |
| Start | 8. November 1958, 07:30 UTC |
| Startplaz | Cape Canaveral AFS Launch Complex 17 |
| Drorakéit | Thor-Able |
| Status | no 45 Minutte vergloust |
Opbau
ännerenD'Pioneer 2 war wéi déi zwou virdrun, spinstabiliséiert (2 Rotatioune pro Sekonn ëm déi eegen Achs) a bestoung aus enger Zylindersektioun vu 74 cm Duerchmiesser mat flaache Kegelstëmp déi drun ugeschloss waren, mat enger Héicht vu 76 cm. Den Undriff, e Feststoffdreifwierk vun 105 N Schub, war op der Säit ugemaach, Lagreegelung an Antenne vis-à-vis dovun. Vun der ganzer Mass vun 39,5 kg ware 15,6 kg Notzlaascht, dorënner eng Kamera mat niddreger Opléisung (optesch Opléisung 0,5 Grad) déi geduecht war fir Biller vun der Moundrécksäit ze maachen, e Magnéitometer, Stralemiessinstrumenter an e Mikrophonsystem fir d'Detektioun vu Meteorittenaschléi um Satellit. D'Sond gouf iwwer en Telemetriesytem, dat op enger Frequenz vun 108,6 MHz geschafft huet, gesteiert a fir d'Stroumversuergung gouf et dräi verschidde Batteriesystemer.
Missioun
ännerenNom gegléckte Start hate sech d'Dreifwierker vun der 2. Stuf ze fréi ofgeschalt. Déi drëtt Stuf hat duerch eng Feelfunktioun guer net gezünnt. Sou konnt d'Raumsond d'Gravitatiounsfeld vun der Äerd net verloossen. Si hat nëmmen eng kleng Héicht erreecht a war no 45 Minutten an der Äerdatmosphär vergloust. Dobäi konnt d'Missioun e puer Donnéeën iwwer déi baussenzeg Stralungsceinture vun der Äerd an d'Heefegkeet vu Mikrometeoritte sammelen.
Kuckt och
änneren
Um Spaweck
änneren| Commons: Pioneer (Raumsonden-Programm) – Biller, Videoen oder Audiodateien |
- (en) Beschreiwung vun der Missioun Pioneer 2 op nasa.gov
- (en) Beschreiwung vun der Missioun Pioneer 2 op jpl.gov
- Bernd Leitenberger: De Pioneer Programm