Pierre Nimax Jr.

De Pierre Nimax junior, gebuer de 7. Mee 1961 an der Stad Lëtzebuerg^,, ass e lëtzebuergesche Museker. Hien ass bekannt als Dirigent, Komponist an Organist.

Pierre Nimax Jr.
Gebuer	7. Mee 1961
Nationalitéit	Lëtzebuerg
Aktivitéit	Komponist
Famill
Papp	Pierre Nimax Sr.

Die Pierre Nimax ass Professer fir Kierchemusek um Conservatoire vun der Stad Lëtzebuerg. 1993 huet hien de Jongechouer Pueri Cantores um Stater Conservatoire gegrënnt.

De Pierre Nimax jr. gëtt Concerten als Solist op der Uergel an als Chouerdirigent zu Lëtzebuerg an am Ausland.

Hien huet Wierker fir d'Uergel a Stécker fir Kammermusek a fir de Chouer komponéiert.

De Pierre Nimax ass de Jong vum Pierre Nimax Sr.

Studien a Karriär

De Pierre Nimax huet ugefaange Musek ze léiere bei sengem Papp, dem Pierre Nimax Sr., dem Albert Leblanc an dem Pierre Drauth. Duerno huet hien um Conservatoire royal de musique de Bruxelles studéiert, wou hien ë. a. en Éischte Präis an der Uergel gemaach huet.

Op der Hochschule für Musik Rheinland zu Köln huet hien eng Spezialisatioun an der Kierchemusek gemaach. Um Conservatoire vun der Stad Lëztebuerg huet hi Kompositioun beim Alex Mullenbach geléiert.

De Pierre Nimax Jr op der Haupt-Rieger-Uergel an der Kathedral

Säi Wierk (Auswiel)

• CD-ROM n°8 an der Série Anthologie de musique luxembourgeoise vun der Lëtzebuerger Gesellschaft fir Nei Musek (LGNM)
• CD-ROM mat Kompositiounen aus dem 20. Joerhonnert fir Trompett an Uergel

Kuckt och

• Lëscht vu lëtzebuergesche Museker

Um Spaweck

Commons: Pierre Nimax Jr. – Biller, Videoen oder Audiodateien

• Biographie vum Pierre Nimax jr. op der Websäit vun der Lëtzebuerger Gesellschaft fir Nei Musek