Haaptmenü opmaachen

De Pedro Sánchez Pérez-Castejón, gebuer den 29. Februar 1972 zu Madrid, ass e spuenesche Politiker an Héichschoullenseignant. Hie war vum Juli 2014 bis den Oktober 2016, an ass nees zanter 2017 Generalsekretär a Parteipresident vun der Partido Socialista Obrero Español (PSOE). Hien ass zanter dem 2. Juni 2018 Ministerpresident vu Spuenien.[1]

Pedro Sánchez
Pedro Sánchez Pérez-Castejón - 2018 - (Oficial) 3.4 (cropped).jpg
Gebuer 29. Februar 1972
Madrid
Nationalitéit Spuenien
Educatioun Université libre de Bruxelles
Aktivitéit Politiker, Ekonomist
Partei Partido Socialista Obrero Español
Wikidata-logo-without-paddings.svg

Hie gouf 1993 Member beim PSOE a gouf 1998 Assistent vun der Europadeputéiert Barbara Dührkop. Kuerz dono gouf hie Kabinettschef vum Héije Representant fir Bosnien an Herzegowina, Carlos Westendorp. 2004 ass hien an de Gemengerot vu Madrid nogeréckelt, 2007 gouf en duer erëmgewielt. 2009 ass hien als Deputéierten an d'Spuenescht Parlament (Congreso de los Diputados) nogeréckelt. 2011 krut en net genuch Stëmme fir erëmgewielt ze ginn, hien ass awer 2013 nogeréckelt.

Wéi den 1. Juni 2018 d'Parlament de Mariano Rajoy (Partido Popular) duerch e Mësstrauensvote ofgesat huet, krut de Sánchez 180 vun 350 Stëmmen a gouf domat Ministerpresident vun enger Minoritéitsregierung, déi vun Unidos Podemos, PNV an anere méi klenge separatistesche Parteien toleréiert gëtt.

Um SpaweckÄnneren

Commons: Pedro Sánchez – Biller, Videoen oder Audiodateien

ReferenzenÄnneren