Naval Research Laboratory

Den US Naval Research Laboratory (NRL) ass de kollektive Fuerschungslaboratoire fir d'United States Navy a fir de United States Marine Corps. E bedreift e breede Programm vu wëssenschaftlecher Fuerschung an Entwécklung. Den NRL besteet zënter 1923 a gouf op e Virschlag vum Thomas Alva Edison als Departement ënner dem Office of Naval Research gegrënnt (The Government should maintain a great research laboratory. ... In this could be developed ... all the technique of military and naval progression without any vast expense.).

United States Naval Research Laboratory — NRL —
Logo vum NRL
Kategorie	Militäresch Fuerschungsariichtung
Patron	United States Navy
Opsiicht	Office of Naval Research
Haaptsëtz	Washington, D.C.
Aart vu Fuerschung	Verteedegungsfuerschung
Mataarbechter	iwwer 2500
Leedung	Commanding Officer Captain Paul Courtney Stewart
Homepage	www.nrl.navy.mil
Grënnung	2. Juli 1923

D'Errongeschafte vum NRL iwwerdecken e wäit Gebitt. Et geet iwwer d'Entwécklung vum Röntgen mat Gammastralen bis zum Large Angle and Spectrometric Coronagraph Experiment (LASCO) an dem Dragon Eye (e Fligersensorsystem). De Laboratoire hat 1939 en nukleart U-boot geplangt an huet an de spéidere 1950er Joren en iwwerhorizontaalt Radarsystem entwéckelt. Kierzlech goufen och d'Detailer iwwer de Graf I, ee vun den éischten Opklärungssatellitte fräiginn.

Zwéi Mataarbechter vum NRL, den Herbert A. Hauptman an de Jerome Karle, goufen 1985 fir hir Aarbecht an der molekularer Strukturanalys mam Nobelpräis fir Chimie ausgezeechent.

Vill vun de Laboratoiresprojete ginn no enger gewësser Zäit ëffentlech gebraucht, ouni datt vun der Ofstamung Notiz geholl gëtt. E Beispill ass dat sougenannt Onion Routing.

E puer vun den aktuellen Aarbechtsgebidder schléisse Plasmaphysik, Materialwëssenschaften an elektronesch Krichsféierung mat an.

Um Spaweck

Commons: Naval Research Laboratory – Biller, Videoen oder Audiodateien

• Homepage vum US Naval Research Laboratory