Naturschutzgebitt Ronnheck
Naturschutzgebitt zu Lëtzebuerg
D'Naturschutzgebitt Ronnheck ass en Naturschutzgebitt zu Lëtzebuerg an der Gemeng Jonglënster, nërdlech vun der Uertschaft Jonglënster, am Dall vun der Schwaarzer Iernz, op hirem Laf ronderëm de Beelebierg, bis an de Blummendall, mat de Wisen, Bongerten a Bëscher ronderëm.
| Land | Lëtzebuerg |
|---|---|
| Plaz | Jonglënster |
| Fläch | 180,82 ha |
| Nationalcode | RD 27 |
| Koordinaten | 49°43'49,55"N, 6°15'2,77"O |
| Status | Geschützt Zon vun nationalem Intressi |
| Geschützt zanter | 25. Juni 2014 |
Et gouf duerch de Règlement grand-ducal vum 25. Juni 2014 geschaf.[1]
D'Naturschutzgebitt, dat eng Gesamtfläch vun 180,82 ha huet, besteet aus zwou Zonen:
- d'Zon A, am ieweschte Laf vun der Wäisser Iernz, mat derbei de Südost-Hänk vum Schëddebierg an engem klenge Bësch erop op den Hiwwel Hëlzeklëppel als Haaptzon, an
- d'Zon B, am Laf vun der Iernz weider flossof, westlech an nërdlech vum Beelebierg, an de Jean-Haris-Gronn eran, souwéi d'Zone ronderëm.