Mumbai

Mumbai och nach Bombay genannt, ass d'Haaptstaat vum indesche Bundesstaat Maharashtra. 2001 louch d'Bevëlkerungszuel bei ongeféier 12 Millioune Leit, an 2006 bei ronn 13 Milliounen.

Mumbai
Land	Indien
Awunner	15.414.288 (2018)
Fläch	603 km²
Koordinaten	19°4'33"N, 72°52'39"O
Telefonszon	0022
Postcode	400001
Websäit	https://portal.mcgm.gov.in/

Mumbai ass déi Stad an Indien mat deene meeschte Leit. Zu Mumbai sinn déi meescht Filmstudioen. Den Numm Bollywood ass eng Kontraktioun aus "Hollywood"" a "Bombay". Mumbai ass e wichtege Wirtschaftszentrum an huet an der Moyenne en héije Liewensstandard.

Geographie

Bombay läit op der Westküst vun Indien an am grousse Sanjay Gandhi Nationalpark. D'Waasserversuergung vun der Stad gëtt duerch 6 Séie garantéiert: Vihar, Vaitarna, Upper Vaitarna, Tulsi, Tansa a Powai. D'Séien Tulsi a Vihar treffe sech op der Grenz vum Nationnalpark. De Séi Powai ass bekannt dofir datt d'Waasser verdreckst ass. De Buedem zu Mumbai besteet virun allem aus Sand, well en zimmlech no beim Mier läit an dobäi ass en och fruchtbar.

Klima

D'Plage vu Bombay

Mumbai läit an der Tropescher Zon an huet e Klima vun 2 Joreszäiten: dréchen a fiicht. D'Dréchenzäit dauert vun November bis Februar, dann ass et mëttelwaarm, méi spéit, vun Dezember bis Januar kann et eppes méi frësch gi wéinst dem westleche Wand. D'Fiichtperiod ass vum Juni bis September.

Um Spaweck

Commons: Mumbai – Biller, Videoen oder Audiodateien