Monemvasia

Monemvasia
Regioun:	Peloponnes
Prefecture:	Lakonien
Provënz:	Epidavros Limiras
Geographesch Lag:	36° 41’ 16’’ N       23° 03’ 06’’ O
Fläch:
Awunner:	3,950
Héicht:	tëscht 15 m a 400 m
Postcode:	230 70
Websäit:

Monemvasia oder Monemvassia (Griichesch: Μονεμβασία), och Malvasy, ass eng vun Touristenuertschaft a Griicheland. Si läit op engem Fiels virun der Küst am Südoste vun der Hallefinsel Pelopponnes.

Etymologie

Hiren Numm verdankt dës Klengstad hirer Lag: monem embasia = eenzegen Zougang. Well dës befestegt Stad sou schwéier eruewert konnt ginn, ass si bis zur griichescher Onofhängegkeet als d'Gibraltar vum Osten betruecht ginn. Monemvasia huet och dem Malvasier, e roude Wäin, dee vun do aus exportéiert gouf, säin Numm ginn.

Lag

Monemvasia läit laanscht Mier op der Südost-Säit, um Fouss vun engem Fiels vun zirka 300 Meter Héicht, 1,8 km Längt a 600 Meter Breet. D'Uertschaft besteet aus zwéin Deeler: der mëttelalterlecher Ënnerstad, déi vu Maueren ëmginn ass, an der Zitadell uewen um Fiels, déi nëmmen iwwer een eenzege Wee zougänglech ass.
D'Zitadell ass zanter den 1920er Joren net méi bewunnt.

Kuckeswäertes

Wat den Touristen opfält, sinn déi schmuel Gässele mat glatem Pavé. Si si knubbeleg, mä romantesch, wéi a fréieren Zäiten. Wann et och näischt ass fir Damme mat héijen Talleken, dann ass et trotz allem eng Uertschaft mat villem touristesche Charme. Op d'Iesele mat hire schwéiere Laaschte muss een oppassen. Charakteristesch ass och, datt meeschtens zu Monemvasia e kräftege Wand bléist.

De griicheschen Dichter Yannis Ritsos staamt vu Monemvasia, a läit do begruewen.

• 
  Den Zentrum vu Monemvasia
• 
  Iesele mat schwéiere Laaschten
• 
  Nëmmen enk Gässelen
• 
  Vue op den ënneschten Deel vun der Uertschaft vun der Zitadell erof gesinn
• 
  Hanner dësem Fiels läit Monemvasia

Um Spaweck

Commons: Monemvasia – Biller, Videoen oder Audiodateien