Mircea Snegur
De Mircea Ion Snegur, gebuer de 17. Januar 1940 zu Trifănești, am Rajon Florești, a gestuerwen den 13. September 2023 zu Chișinău, war e moldawesche Politiker. Hie war deen éischte Staatspräsident vum Land nodeems dat 1991 onofhängeg gouf.
| Mircea Snegur | |
|---|---|
.jpg) | |
| Gebuer | 17. Januar 1940 |
| Gestuerwen |
13. September 2023 Chișinău |
| Doudesursaach | Kriibs |
| Nationalitéit | Moldawien |
| Aktivitéit | Politiker |
| Partei | keng, Kommunistesch Partei vun der Sowjetunioun |
 | |
Hie war Agraringenieur an huet an der Direktioun, oder als Direkter, vu landwirtschaftleche Produktiousgenossenschaften a Fuerschungsariichtunge geschafft. Vun 1985 bis 1989 war de Member vum Politbüro vum Zentralkomitee vun der moldawescher Kommunistescher Partei a vun 1989 bis 1990 Generalsekretär vum Ieweschte Sowjet vu Moldawien.
Wéi d'Sowjetunioun auserneegebrach ass huet hien de 27. August 1991 d'Onofhängegkeet vun der Republik Moldawien ausgeruff.[1] Bei der Presidentschaftswal den 8. Dezember 1991 gouf hien als eenzege Kandidat mat 98 % vun de Stëmmen zum Staatspresident gewielt. 1997 gouf de Petru Lucinschi säin Nofollger.
Literatur
änneren- Snegur, Mircea. In: Andrei Brezianu, Vlad Spânu: The A to Z of Moldova. The Scarecrow Press, Lanham/Toronto/Plymouth 2010, S. 330f
Um Spaweck
änneren| Commons: Mircea Ion Snegur – Biller, Videoen oder Audiodateien |
Referenzen
änneren- ↑ Reinhard Veser: Mircea Snegur 80. In: Frankfurter Allgemeine Zeitung, 17. Januar 2020, S. 5.