Madeleine Weis-Bauler

Dësen Artikel ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.

D'Madeleine Weis-Bauler, gebuer den 13. Februar 1921 zu Esch-Uelzecht a gestuerwen den 10. Abrëll 2014 zu Iechternach, war eng lëtzebuergesch Autorin, Molerin a Resistenzlerin.

Madeleine Weis-Bauler
Gebuer	13. Februar 1921
Gestuerwen	10. Abrëll 2014
Nationalitéit	Lëtzebuerg
Aktivitéit	Moler

Hir Liewensgeschicht

1940, am Zweete Weltkrich, huet si refuséiert, sou wéi hir Elteren a hire Brudder Ernest, fir Member an der Vereenegung Volksdeutsche Bewegung ze ginn. Si huet sech der Resistenzbeweegung Lëtzeburger Freihétskämpfer ugeschloss.

Am Abrëll 1944 gouf si verhaft a koum an der Stad Lëtzebuerg an d'Villa Pauly. Nodeem si verhéiert gi war, koum si an de Prisong an de Gronn wou si ronn e Mount an Eenzelhaft verbruecht huet.

Si gouf an den Arbeitsdienst agezunn a huet missen zu Zeltingen bei engem Bauer, zu Wittlich bei der Sperrholzfabrik Kümmel & Co an zu Allendorf an enger ënnerierdescher Munitiounsfabrik schaffen. Duerno koum si an d'Konzentratiounslagere vu Ravensbrück a Bergen-Belsen.

Den 23. Dezember 1947 gouf si mam Robert Weis, engem Mathematik-Professer, bestuet a goung mat him op Esch-Uelzecht wunnen.

Am Summer 1977 ass si mat hirem Mann op Iechternach geplënnert, wou si am Alter vu ronn 60 Joer d'Molerei entdeckt huet.

Ausstellungen

• 2009: Lebensbilder an der Kapell vum Centre culturel de rencontre Abbaye de Neumünster, Lëtzebuerg-Gronn

Wierk

• Weis-Bauler, Madeleine. - Aus einem anderen Leben / Madeleine Weis-Bauler. - [Bereldange]: Les Cahiers luxembourgeois, 2002 (Luxembourg: Impr. Centrale). - 141 p.: ill.;

Literatur

• Conter, Claude D.: Weis-Bauler, Madeleine. In: Luxemburger Autorenlexikon.
• Dimmer, Denis: Undenken un eng grouss Lëtzebuergerin: Madeleine Weis-Bauler (1921-2014). Luxemburger Wort 2014, Nr. 204 (3. September), S. 56.
• Hoffmann, Serge: Le mouvement de résistance LVL au Luxembourg, Archives nationales, Luxembourg 2004, 158 S.
• Mess, Kathrin (Hrsg.): Und wir Luxemburgerinnen haben immer gesagt: “Wir kommen noch heim!" : Lebensbilder von Madeleine Weis. Éditions Le Phare, Esch-sur-Alzette 2009, 109 S. ISBN 978-2-87964-144-7

Um Spaweck

• D'Madeleine Weis-Bauler als Zäitzeien am Film Heim ins Reich (de)