Louis II. vu Frankräich

De Louis II. genannt den Tuddeler, gebuer 846, gestuerwen 879 zu Compiègne, war deen eenzege Jong vum Charles II. dem Plakkapp, deen iwwerlieft hat.

Louis II. vu Frankräich
Gebuer	1. November 846 jul.
Gestuerwen	10. Abrëll 879 jul. Compiègne
Aktivitéit	Monarch
Famill
Bestuet mat	Ansgard vu Burgund, Adelheid vum Frioul
Papp	Charles de Plakkapp
Mamm	Irmentrud vun Orléans
Geschwëster	Lothat de Schlammen, Charles III. vun der Aquitaine, Karlmann, Drogo, Pippin, Rothilde, Judith vu Flandern, Irmentrud, Hildegard, Gisla, Rotrude
Kanner	Ludwig III., Carloman II., Karel den Eefalt, Ermentrud, Gisèle

Am Februar 856, wéi säi Papp nach gelieft huet, gouf e Kinnek, woubäi e warscheinlech Neustrien krut; am Mäerz 867 krut en d'Aquitaine als Ënnerkinnekräich. Nom Doud vu sengem Papp, de 6. Oktober 877, gouf en de 7. September 878 vum Poopst Jean VIII. zu Troyes zum Kinnek gekréint. Mä schonn dat Joer drop ass en zu Compiègne gestuerwen, wou en och begruewe gouf.

Nokommen

Éischt Bestietnes: am Mäerz 862 mat der Ansgarde, der Duechter vum Grof Harduin; 866 nees gescheet, d'Ansgarde ass op engem 2. November gestuerwen, méiglecherweis 879.

• Louis III. (* 863/865 † 882), Kinnek
• Karlmann (* 866, † 884), Kinnek
• Hildegard
• Gisla († virum November 884) ∞ Robert, Grof vun Troyes 876, (X Februar 886 zu Troyes)

Zweet Bestietnes: géint 875 mat der Adelheid, der Duechter vum Adalhard, déi den 18. November warscheinlech 901 gestuerwen ass.

• Ermentrud (* wuel 875) ∞ Werner von Ivrea (* 871, † 939)
• Karl III. den Efalt (* 879, † 929) Kinnek, ∞ I 907 Frederuna († 917), ∞ II géint 919 Ogiva († nach 951), Duechter vum Edward I. vu Wessex

Um Spaweck

Commons: Louis II of France – Biller, Videoen oder Audiodateien