Lann op der Giischterklaus

Deel vun de bemierkenswäerte Beem zu Lëtzebuerg

D'Lann op der Giischterklaus ass eng Lann déi an der südlecher Afaart vun der Giischterklaus, an der Sektioun Hénkel vun der Gemeng Rouspert-Mompech steet. Et ass net gewosst ob et eng Summer- (Tilia platyphyllos) oder Wanterlann (Tilia cordata) ass.

Lann op der Giischterklaus
D'Lann am Mee 2023
Kategorie Bemierkenswäert Beem zu Lëtzebuerg
Land Lëtzebuerg
Gemeng Rouspert-Mompech
Plaz Giischterklaus
Koordinaten 49°47'3,631"N, 6°29'55,471"O
Bamaart Lannen
Déi bemierkenswäert Lann op der Giischterklaus. Lénks d'Kapell vun der Klaus. Riets: d'Klaus.
Hannen um Bild, de Kierfecht an d'Kapell vun der Giischterklaus.

Wéinst hirem héijen Alter, deen awer net genee bekannt ass, a virun allem och wéinst der Plaz wou se steet, gëtt se zënter 1981 zu de bemierkenswäerte Beem zu Lëtzebuerg gezielt.

Lokalisatioun änneren

D'Lann steet lénks nieft dem Wee dee bei Kapell vun der Uertschaft erop féiert.

Ënner der Lann huet d'Gemeng en Dësch mat zwou Bänken an eng eenzel Bänk installéiert.

Entwécklung vum Bam änneren

Um Enn vun den 2010er Joren ass d'Kroun kräfteg zeréckgeschnidde ginn.

Ongeféier Moosse vum Bam (m)
Joer      
1980 1,90 0,60
2000 3,14 1,00 15,00

Wéi en 1981 fir d'éischt op d'Lëscht vun de bemierkenswäerte Beem gesat gouf, war dës Lann déi 43-déckste Lann zu Lëtzebuerg[1].

Kuckt och änneren

Fotoalbum änneren

Quellen änneren

  • Sinner, J. et al., 2002. Les arbres remarquables. Administration des eaux et forêts. Musée national d'histoire naturelle. 255 S. (Cf. Tabell S. 241. Keng Foto an och keng Beschreiwung heiran).
  • Administration des eaux et forêts, 1981. Arbres remarquables du Grand-Duché de Luxembourg. Imprimerie Saint-Paul, 167 S. (Cf. Tabell S. 104, keng Beschreiwung a keng Foto heiran).

Referenzen an Notten änneren

  1. Administration des eaux et forêts, 1981