Kanal Pommerœul-Condé

De Kanal Pommerœul-Condé och nach Kanal Mons-Condé ass e belsch-franséische Kanal an der Provënz Hainaut an am Departement Nord.

Kanal Pommerœul-Condé
Restauratiounsaarbechten am Mäerz 2022 Restauratiounsaarbechten am Mäerz 2022
Land	Belsch
Ufank	Mons (1818) 50° 27’ 14.17’’ N       03° 56’ 11.81’’ O Pommerœul (1968) 50° 28’ 45.57’’ N       03° 42’ 52.02’’ O
Enn	Condé-sur-l'Escaut (1818) 50° 26’ 46.06’’ N       03° 35’ 33.37’’ O Condé-sur-l'Escaut (1968) 50° 26’ 13.97’’ N       03° 35’ 29.39’’ O
Eegenschaften
Aktuelle Statut	ausser Betrib (1967) wéinst Verlandung amgaang restauréiert ze ginn
Längt	25 km
Héicht Ufank	26 m
Héicht Enn	16 m
Gabarit	± Gabarit Freycinet (45,20 × 5,20)
Gebrauch	Schëfffaart
Infrastrukturen
Schleisen	7 um ale Kanal 2 um neie Kanal
Geschicht
Bau	1807-1818
A Betrib geholl	19 octobre 1818
Enn vum Betrib	1967

De Kanal deen haut nëmme méi deelweis besteet huet fréier Mons mat Condé verbonnen.

De Kanal dee praktesch schnouerricht Mons, mat dem Escaut zu Condé vebonnen huet war 25 km laang, dovu 5 a Frankräich. Um Kanal gouf et fënnef Schleisen an der Belsch (Mons (Pont-Canal), Jemmapes, Saint-Ghislain, Boussu (Herbières) an Hensies (Malmaison) an zwou a Frankräich (Thivencelles a Condé (Gœulzin), déi zesummen en Héichtenënnerscheed vun ronn 13,55 m ausgeglach hunn.

Am Ufank war de Kanal am verlängerte Gabarit Freycinet gebaut ginn, mat Schleise vu 45,20 × 5,20 Meter, an en Déifgang vun 2 Meter. Beim Ausbau vum Kanal 1968 an der Belsch an 1982 a Frankräich gouf de Verlaf modifizéiert, an op Europagabarit 110 × 11,40 vergréissert. A Frankräich goufen dobäi d'Schleisen all supriméiert, an de Kanal gouf ëstlech laanscht Condé geleet. An der Belsch gouf eng Parti duerch de Bau vun der Autobunn A7 zerstéiert. Dofir gouf bei Pommerœul e 6.100 m laangen neie Kanal gebaut mat zwou neie Schleisen, deen op der Héicht vum Grand-Large vu Pommerœul Uschloss un de Kanal Nimy-Blaton-Péronnes huet. Dobäi gouf den Uschloss vum Kanal Pommerœul-Antoing zerstéiert an den Deel vun deem Kanal tëscht Pommerœul a Blaton läit vun do un op ronn 5 Kilometer brooch.

Schleisen

• Schleis vu Pommerœul (PK 0.930)
• Schleis vun Hensies (PK 5.075)

Am Kader vun der Realisatioun vun der Verbindung Seine-Escaut gouf de franséische Sous-prefet Franck-Olivier Lachaud am Oktober 2011 bekannt datt de Kanal nees schëffbar gemaach gëtt an datt d'Aarbechte viraussiichtlech Enn 2013 sollen ulafen. Dat huet allerdéngs net sou richteg geklappt, awer am Fréijoer 2022 sinn d'Arbechten zu Condé un Rulle komm, d'Uwänner goufe gebotzt a frësch ageschréit a mat engem Fäscheverbau an Zyklopesteng stabiliséiert.