Jean-Marc Ayrault

De Jean-Marc Ayrault, gebuer de 25. Januar 1950 zu Maulévrier, Departement Maine-et-Loire ass e franséische Politiker (PS).

Jean-Marc Ayrault
Gebuer	25. Januar 1950 Maulévrier
Nationalitéit	Frankräich
Aktivitéit	Politiker
Partei	Parti socialiste

Den Ayrault war vun 1989 bis 2012 Buergermeeschter vun Nantes a vun 1986 bis 2012 Deputéierten an der Assemblée nationale wou e vun 1997 bis 2012 Fraktiounspresident vun der Groupe socialiste war. Vu Mee 2012 bis Mäerz 2014 war hien, ënner dem President François Hollande, Premierminister vun der Franséischer Republik. Vum 11. Februar 2016 bis den 10. Mee 2017 war hien Ausseminister.

Vun 1973 bis zu senger Wal an d'Parlament war de Jean-Marc Ayrault Däitschprofesser zu Saint-Herbelain. Do war hien och vun 1977 bis 1989, wéi en op Nantes geplënnert ass, Buergermeeschter.

Hien ass zanter 1971 bestuet an huet zwou Duechteren.

Um Spaweck

Commons: Jean-Marc Ayrault – Biller, Videoen oder Audiodateien

• Websäit vum Jean-Marc Ayrault
• Biographie op der Säit vum Premierminister